25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Մոսկվան քրդերին վստահեցրել է, որ չի աջակցի Սիրիայում Թուրքիայի ռազմական գործողությանը
Քաղաքականություն
08.07.2022 | 13:03
Մոսկվան վստահեցրել է Սիրիայի դեմոկրատական խորհրդին (ՍԴԽ), որ չի աջակցի Սիրիայում հերթական ռազմական գործողություն սկսելու՝ Անկարայի ծրագրերին։ ՌԻԱ Նովոստիին այս մասին ասել է ՍԴԽ-ի խոսնակ Բասամ Սաքերը։
«Ռուսաստանը մեզ վստահեցրել է, որ Թուրքիային կանաչ լույս չի տա՝ գրավելու համար»,- ասել է գործակալության զրուցակիցը։
Նրա խոսքով՝ թուրքական ուժերը ոչ թե հարձակում են սկսել, այլ «ուժեղացրել են իրենց պարեկությունն առանձին հատվածներում»։
Հիշեցնենք՝ ավելի վաղ Թուրքիայի նախագահի պաշտոնական ներկայացուցիչ Իբրահիմ Քալինը հայտարարել է, որ Անկարան պատրաստ է նոր ռազմական գործողության Սիրիայի հյուսիսում, այն կարող է սկսվել ցանկացած պահի։ Թուրքական ուժերի ներկայությունը Սիրիայի սահմանային գոտում, որոնք այնտեղ գործողություններ են իրականացնում քրդական կազմավորումների դեմ, Դամասկոսը բազմիցս անօրինական է անվանել և Անկարային կոչ է արել դուրս բերել զորքերը։
Տաթև Ֆռանգյան
