06.11.2024 | 13:30
Հուսով ենք՝ Ադրբեջանի ձեռքբերումները կամրապնդվեն խաղաղության պայմանագրի ստորագրմամբ․ Էրդողան
Հարձակում Ճապոնիայի նախկին վարչապետ Սինձո Աբեի վրա. նրան անգիտակից վիճակում հիվանդանոց են տեղափոխել
Քաղաքականություն
08.07.2022 | 10:42
Ճապոնիայի Նարա քաղաքում անհայտ անձը կրակել է նախկին վարչապետ Սինձո Աբեի վրա։ Գործող վարչապետ Ֆումիո Կիսիդան տեղեկացրել է, որ քաղաքական գործիչը գտնվում է «ծայրահեղ ծանր» վիճակում, փոխանցում է BBC-ի ռուսական ծառայությունը։
Տեղական NHK հեռուստաալիքի հաղորդմամբ՝ տղամարդը ատրճանակով երկու անգամ կրակել է Աբեի թիկունքին, երբ նա ելույթ էր ունենում Նարա քաղաքում։ «Ներկայումս բժիշկներն անում են իրենց ուժերի սահմաններում ամեն ինչ: Ես հույս ունեմ և աղոթում եմ, որ նախկին վարչապետ Աբեն ողջ մնա»,- ասել է Ֆումիո Կիսիդան: «Աբեն տեղափոխվել է հիվանդանոց, սակայն վերջին տեղեկությունների համաձայն՝ նա ունի «սիրտ-թոքային կանգ»: Սա կարող է նշանակել, որ նա մահացել է, սակայն դա դեռ հաստատված չէ»,- հայտնում է BBC-ի Տոկիոյի թղթակից Ռուպերտ Ուինգֆիլդ-Հեյսը։
Հարձակման մեջ կասկածվող 41-ամյա Յամագամի Տեցույան ձերբակալվել է հենց դեպքի վայրում, նրա զենքն առգրավվել է։ Նա դիմադրություն չի ցույց տվել:
67-ամյա Սինձո Աբեն Ճապոնիայի վարչապետ է եղել 2012- 2020 թվականներին:
Տաթև Ֆռանգյան
