Համագործակցության նոր հնարավորություններ՝ Նիդերլանդների և Հայաստանի միջև․ Երևանում բացվեց Նիդերլանդա-հայկական առևտրի պալատ․ ԼՈՒՍԱՆԿԱՐՆԵՐ

Լուրեր

19.11.2026 | 20:16
Ոստիկանները կանխել են գողություն կատարած երիտասարդների փախուստը․ երկու անձ ձերբակալվել է. ՆԳՆ
19.11.2026 | 20:00
Փաշինյանի առաջարկն ընդդիմությունը չպիտի ընդունի․ Սերժ Սարգսյանը ևս խոստանում էր վարչապետ չառաջադրվել․ Գևորգ Սաֆարյան․ ՏԵՍԱՆՅՈՒԹ
19.11.2026 | 19:48
ՀՀ որոշ շրջաններում ձյուն է տեղում
19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
19.11.2026 | 19:26
ՀՀ-ում կանցկացվի սպորտային մարմնամարզության մեծահասակների Եվրոպայի առաջնություն
19.11.2026 | 19:11
ՄԱԿ-ի դատարանը վճռել է, որ Մյանմարը ռոհինջաների նկատմամբ ցեղասպանություն է իրականացրել
19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
Բոլորը

Հայ-նիդերլանդական բիզնես համագործակցության պոտենցիալն իրացնելու գործով այսուհետ զբաղվելու է նաև Նիդերլանդա-հայկական առևտրի պալատը, որի բացման հուշագիրը ստորագրեցին պալատի նախագահ Լևոն Հայրապետյանն ու Հայաստանում Նիդերլանդների դեսպան Նիկո Սխերմերսը՝ «Նիդերլանդա-հայկական գործարարության օրեր 2022»-ի շրջանակում։

«Հայաստանի շուկան որոշակի առումով փոքր է Նիդերլանդների համեմատ, բայց, այնուամենայնիվ, հնարավորությունները մեծ են: Հայաստանը պոտենցիալ ունի գյուղատնտեսության ոլորտում, իսկ Նիդերլանդները՝ որպես աշխարհում գյուղատնտեսական արտադրանքի երկրորդ արտահանող երկիր, կարող է համագործակցություն ծավալել Հայաստանի հետ»,- Factor.am-ի հետ զրույցում ասաց  Նիկո Սխերմերսը:

Միջոցառման ընթացքում՝ հուլիսի 6-7-ը, հայ և նիդերլանդացի գործարարները հնարավորություն ունեցան ծանոթանալ ֆինանսավորման, գյուղատնտեսության, շինարարության, տեղեկատվական տեխնոլոգիաների ոլորտներում երկուստեք առկա հնարավորություններին։

«Առանձնացված ոլորտները պատահական չեն: Եթե գյուղատնտեսության հարցում Նիդերլանդներն առավել մեծ ձեռքբերումներ ունեն, ապա տեղեկատվական տեխնոլոգիաների հարցում Հայաստանն ունի մեծ առավելություններ՝ երկուստեք հարաբերությունները խորացնելու համար»,- նշեց դեսպանության տնտեսական հարցերի պատասխանատու Լարիսա Հարությունյանը:

Տեղական և արտասահմանյան գործարարներին ֆինանսական միջոցների և լուծումների տրամադրման առաջարկներով Նիդերլանդներից ժամանել է «Invest internationally» պետական ներդրումային հիմնադրամի ներկայացուցիչ Սոնա Կրայխեր-Դոլբակյանը: Նրա խոսքով՝ հիմնադրամի գործառույթը զարգացող երկրներում ներդրումները խրախուսելն է՝ համագործակցելով ինչպես կառավարությունների, այնպես էլ մասնավոր ձեռնարկատերերի հետ:

«Սա հնարավորություն է՝ գործարարներին ծանոթացնել այն ֆինանսական միջոցներին, որոնք տրամադրում է մեր հիմնադրամը»,- նշեց Սոնա Կրայխեր-Դոլբակյանը:

Միջոցառման շրջանակում ներկայացվեց նաև 2005 թվականից Հայաստանում գործող PUM ավագ մասնագետների նախաձեռնությունը, որի շրջանակում հայ ձեռներեցներին իրենց փորձն են փոխանցում նիդերլանդացի փորձագետները: PUM-ի հայաստանյան ներկայացուցիչ Նաիրա Մկրտչյանի խոսքով՝ այն արդյունավետ գործունեություն է ծավալում կաթի վերամշակման, մրգերի, բանջարեղենի, էկոտուրիզմի, ՏՏ և առողջապահության ոլորտներում: Իսկ համագործակցության շնորհիվ ավելի քան տասը հոլանդական կազմակերպություն այսօր ունի իր ներկայացուցիչը Հայաստանում:

«Մենք հիմնականում աշխատում ենք բիզնեսների հետ, որովհետև փոքր և միջին բիզնեսների զարգացմանը միտված կազմակերպություն ենք: Կարելի է ասել, որ այսօր Հայաստանի  բոլոր մարզերն ակտիվ մասնակցություն ունեն, դիմում են մեզ, իսկ տարեկան ավելի քան հիսուն մասնագետ մինչ օրս գալիս է Հայաստան՝ իր փորձառությամբ կիսվելու»,- մանրամասնեց Նաիրա Մկրտչյանը:

Դեսպանությունը ծրագրում է Նիդերլանդա-հայկական գործարարության օրերը դարձնել ամենամյա։

Անի Թամրազյան