09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինան արդեն ինը HIMARS և նմանատիպ համակարգեր է ստացել ԱՄՆ-ից ու դաշնակիցներից
Քաղաքականություն
07.07.2022 | 20:14
Ուկրաինան ԱՄՆ-ից ու դաշնակիցներից արդեն ստացել է ինը HIMARS հրթիռային և նմանատիպ համակարգեր, սակայն լուրջ հակահարձակման համար անհրաժեշտ են ևս մեկ տասնյակ նմանատիպ համակարգեր։ Այս մասին The Wall Street Journal-ի հետ զրույցում ասել է Ուկրաինայի Ազգային անվտանգության ու պաշտպանության խորհրդի քարտուղար Ալեքսեյ Դանիլովը, գրում է liga.net-ը։
Նրա խոսքով՝ HIMARS-ի ժամանումը Ուկրաինային թույլ է տվել հարվածներ հասցնել ռազմաճակատից այն կողմ գտնվող ռուսական թիրախներին, որոնք նախկինում դուրս էին ուկրաինական զենքերի խոցելիությունից։
Դանիլովը նշել է, որ Ուկրաինայում «մահացու ելքով» արդեն գործում են ինը HIMARS և նմանատիպ հրթիռային համակարգեր, իսկ ռուսներն «անպաշտպան են դրանց դեմ և խիստ անհանգստացած»։ Պաշտոնյան նաև ընդգծել է, որ Ուկրաինային անհրաժեշտ են տասնյակ նման կայանքներ՝ հարձակում սկսելու համար, իսկ հիմա դեռ Ուկրաինան վարում է պաշտպանական պատերազմ։
Հիշեցնենք՝ ՌԴ Պաշտպանության նախարարությունը հայտարարել էր, որ ռուսական զորքերը ոչնչացրել են երկու HIMARS համակարգեր։
Էմմա Չոբանյան
