01.05.2026 | 11:55
2 մլն եվրո և 1,8 մլն դոլար կանխիկ, 16 անշարժ գույք․ ինչ է հայտարարագրել Նարեկ Կարապետյանը
Բուլղարիան արգելափակել է 890 հազար դոլարի փոխանցումը Ռուսաստանի դեսպանատանը
Քաղաքականություն
07.07.2022 | 20:26
Բուլղարիայում ԵՄ պատժամիջոցների պատճառով արգելափակվել է Սոֆիայում ՌԴ դեսպանատան հաշվեհամարին 890 հազար դոլարի փոխանցումը։ Այս մասին հայտարարել է Բուլղարիայի ֆինանսների նախարար Ասեն Վասիլևը, գրում է DW-ի ռուսական ծառայությունը։
«Փոխանցում կա ՌԴ դեսպանատանը, որն ուղղակիորեն մտնում է Եվրահանձնաժողովի պատժամիջոցների տակ: ՌԴ դեսպանատունը խնդրել է վերացնել այդ փոխանցման նկատմամբ պատժամիջոցները, և այժմ չեղարկումը համաձայնեցվում է ԵՀ-ի հետ»,- ասել է նա։
Վասիլևի խոսքով՝ ՌԴ դեսպանատանը պնդում են, որ այդ գումարը նախատեսված է աշխատավարձերի վճարման համար։ Բուլղարիայի Ֆինանսների նախարարության ղեկավարը պարզաբանել է, որ փոխանցման արգելափակումը տեղի է ունեցել ավտոմատ կերպով՝ ուկրաինական պատերազմի պատճառով ԵՄ պատժամիջոցների հիման վրա։ Սոֆիայում Ռուսաստանի դեսպանատանը հաստատել են փոխանցման արգելափակման մասին տեղեկությունը, սակայն հրաժարվել մեկնաբանություններից։
«Կա այդպիսի ժողովուրդ» կուսակցության խորհրդարանական խմբի նախագահ Տոշկո Յորդանովը հաշիվների արգելափակումն անվանել է «հիմարություն»՝ նշելով, որ ի պատասխան՝ ռուսական կողմը կարող է արգելափակել բուլղարացի դիվանագետների հաշիվները Մոսկվայում։
Տաթև Ֆռանգյան
