09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Բորիս Ջոնսոնը հայտարարել է հրաժարականի մասին
Քաղաքականություն
07.07.2022 | 16:20
Բորիս Ջոնսոնը հայտարարել է, որ հեռանում է Մեծ Բրիտանիայի վարչապետի և Պահպանողական կուսակցության ղեկավարի պաշտոնից, գրում է BBC-ի ռուսական ծառայությունը։
«Այժմ ակնհայտ է, որ Պահպանողական կուսակցությունը ցանկանում է նշանակել նոր ղեկավար, հետևաբար՝ նոր վարչապետ: Ես համաձայնեցի սըր Գրեհեմ Բրեյդիի հետ, որ Պահպանողական կուսակցության նոր առաջնորդի ընտրության գործընթացը պետք է սկսվի հիմա», – ասել է նա իր ուղերձում։
Վարչապետը խոստովանել է, որ վերջին օրերին փորձել է գործընկերներին համոզել՝ չփոխել իշխանությունը։
«Ես ափսոսում եմ, որ ինձ չհաջողվեց այդ բանավեճերում հաղթել, և, իհարկե, ցավալի է, որ ինքս չեմ կարողացել ավարտին հասցնել այդքան շատ գաղափարներ և նախագծեր»,- ասել է նա:
Ջոնսոնը նաև ափսոսանք է հայտնել «աշխարհի լավագույն աշխատանքը» թողնելու համար և վստահեցրել, որ կաջակցի իր իրավահաջորդին։ Միաժամանակ, նա ասել է, որ կկատարի իր պարտավորությունները՝ մինչև կաբինետի նոր ղեկավարի նշանակումը։
Նա նաև դիմել է Ուկրաինայի ժողովրդին՝ ընդգծելով, որ իր կաբինետը կշարունակի աջակցել Ուկրաինային իր հրաժարականից հետո։
Տաթև Ֆռանգյան
