09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սևանա լճի մակարդակը նախորդ տարվա հուլիսի համեմատ ցածր է մնում 5 սանտիմետրով
07.07.2022 | 15:54
2022 թվականի հուլիսի 6-ի դրությամբ Սեւանա լիճը ծովի մակերեւույթից գտնվել է 1900 մետր 72 սանտիմետր բարձրության վրա։ Ինչպես տեղեկացրին ՀՀ ԱԻՆ «Հայհիդրոմետ» ծառայությունից, նախորդ տարվա նույն օրը Սեւանա լճի մակարդակը բարձր է եղել 5 սանտիմետրով։
Այս տարվա հունվարից մինչեւ հուլիսի 6-ն ընկած ժամանակահատվածում Արփա-Սեւան թունելային ջրատարով, ներառյալ ստորերկրյա հոսքը, Սեւանա լիճ է բաց թողնվել 145 միլիոն 562 հազար խորանարդ մետր ջուր։ Իսկ 2022 թվականի հունիսից մինչ հուլիսի 6-ը ոռոգման նպատակներով Սեւանա լճից բաց է թողնվել 42 միլիոն 579 հազար խորանարդ մետր ջուր։ Սեւանա լիճ թափվող գետերում դիտվել է ջրի ելքերի նվազում։
