ՌԴ նոր որոշմամբ՝ մեծ թվով մարդիկ կզրկվեն այնտեղ ապրելու ու աշխատելու հնարավորությունից․ ՏԵՍԱՆՅՈՒԹ

Ռուսաստանում 2021 թվականի դեկտեմբերի 29-ից ուժի մեջ մտած միգրացիոն օրենսդրության փոփոխություններով պայմանավորված միգրանտները դժվարությունների առաջ են կանգնել: Համաձայն նոր կարգավորումների՝ բոլոր օտարերկրացիները ՌԴ մուտք գործելուց հետո 30-օրյա ժամկետում պարտավոր են անցնել բուժզննում որոշ հիվանդությունների գծով, այնուհետև հանձնել մատնահետք: Միայն դրանից հետո կարող է երկարացվել միգրացիոն հաշվառումը:

«Ռուսաստանում միգրացիոն խստացումների հետևանքները» թեմայով այսօր հրավիրված ասուլիսում «Հայկական Կարիտաս» կազմակերպության միգրացիոն ծրագրի փորձագետ Տաթևիկ Բեժանյանն ընդգծեց, որ բուժզննման գործը շատ կարևոր է և պարտադիր: Եթե միգրանտն օրինական կարգով հաշվառման կանգնի, բոլոր փաստաթղթերը ներկայացնի, սակայն չանցնի բուժզննում և տեղեկանքը չներկայացնի տարածքային միգրացիոն ծառայություն ու մատնահետք չհանձնի, ապա նրա միգրացիոն հաշվառումը կչեղարկվի: Բուժզննման փաստաթուղթն ուժ մեջ կլինի մեկ տարի, սակայն այն դեպքում, երբ միգրանտը տվյալ տարածքում է շարունակում բնակվել: Եթե այդ մեկ տարվա ընթացքում բնակության տարածքը փոխեց, ապա բուժզննումը նորից պետք է անցնի: Հակառակ դեպքում միգրանտը շատ արագ կդառնա անօրինական դրանից բխող բոլոր հետևանքներով: Կլինի մուտքի արգելք:

Տաթևիկ Բեժանյանի դիտարկմամբ՝ միգրացիոն կարգավորումներին ոչ պատշաճ վերաբերմունքը կհանգեցնի մուտքի արգելք ունեցողների թվի ավելացմանը:

Մանրամասները՝ տեսանյութում: