25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Աշխարհում կորոնավիրուսով վարակման դեպքերն աճել են 30%-ով․ նոր ենթատեսակ է հայտնաբերվել․ ԱՀԿ
Քաղաքականություն
07.07.2022 | 16:09
Վերջին երկու շաբաթվա ընթացքում աշխարհում կորոնավիրուսով վարակման դեպքերն աճել են 30%-ով։ Այս մասին հայտնել է Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը, գրում է EADaily-ն։
«ԱՀԿ-ի վեց ենթաշրջաններից չորսում գրանցվել է դեպքերի թվի աճ վերջին շաբաթվա ընթացքում»,- ճեպազրույցում ասել է կազմակերպության ղեկավարը:
Նա մանրամասնել է, որ BA.4 և BA.5 կորոնավիրուսային տարբերակներն ալիքներով տարածվում են Եվրոպայում և Ամերիկայում, իսկ Հնդկաստանում հայտնաբերվել է BA.2.75 նոր ենթատեսակ, որն ուսումնասիրվում է կազմակերպության կողմից։ Այս կապակցությամբ ԱՀԿ ղեկավարը կրկին հիշեցրել է պատվաստումների անհրաժեշտության մասին։
Տաթև Ֆռանգյան
