17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Մաքրվում է Գավառագետի հունը Հացառատ թաղամասի հատվածում
07.07.2022 | 14:25
Գավառ համայնքի 2022 թվականի բյուջեի միջոցներով իրականացվում են Գավառագետի՝ Հացառատ թաղամասով անցնող շուրջ 1200 մետր տարածքի մաքրման աշխատանքները: Ինչպես տեղեկացրին Գավառի համայնքապետարանի աշխատակազմից, Հացառատ թաղամասում գետի հունի պարբերաբար մաքրումն օգնում է, որպեսզի գետին ափամերձ բնակարանները եւ տնամերձ հողամասերը չտուժեն վարարումներից:
Գետի հունի մաքրման աշխատանքներն իրականացնում է «Մինասյաններ ՇԻՆ» ՍՊԸ-ն: Ծրագրի արժեքը 3 միլիոն 500 հազար դրամ է, որը հատկացվել է Գավառի համայնքապետարանի միջոցներից։ Նույն ծրագրի շրջանակներում մաքրվում են նաեւ Գավառ քաղաքի Հացառատ թաղամասի եւ Սարուխան գյուղի հեղեղատարները, որտեղ կուտակված տիղմը փակում է ջրի ճանապարհը եւ հեղեղումների վտանգ առաջացնում հարակից բնակարանների ու տնամերձերի համար: Մաքրման աշխատանքներ են կատարվել նաեւ Գավառագետի՝ Բոշնաղյան փողոցով հոսող հատվածում: Այստեղ կուտակված աղբը եւ տիղմը գրեթե փակել էին ջրի ճանապարհը: Գավառագետի հունի մաքրման աշխատանքներն արդեն մոտենում են ավարտին։
