17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Ռուսաստանն օպերատիվ դադար է վերցրել․ Պատերազմի ուսումնասիրման ինստիտուտ
Քաղաքականություն
07.07.2022 | 15:43
Պատերազմի ուսումնասիրման ամերիկյան ինստիտուտը (ISW) ուկրաինական պատերազմի ընթացqի մասին ամենօրյա զեկույցում գրել է, որ հուլիսի 6-ի առաջին անգամ պատերազմի 133 օրերի ընթացքում ոչ մի տեղեկություն չի եղել ռուսական զորքերի որևէ առաջխաղացման մասին, չկան նաև այդ մասին պաշտոնական հայտարարություններ։ Սա վկայում է, որ ռուսական բանակն օպերատիվ դադար է վերցրել, գրում է BBC-ի ռուսական ծառայությունը։
ISW-ն գրում է, որ հուլիսի 6-ին ռուսական ուժերը փորձել են սահմանափակ ուժերով հարձակվել ռազմաճակատի բոլոր ուղղություններով, սակայն դա չի խանգարում խոսել «օպերատիվ դադարի» մասին։
«Տվյալ դեպքում դա նշանակում է, որ ռուսական ուժերը, ամենայն հավանականությամբ, սահմանափակվելու են փոքր հարձակողական գործողություններով, մինչ պայմաններ են ստեղծում ավելի տեսանելի հարձակողական գործողությունների և մարտական ուժերը վերականգնելու համար»,- գրում են ISW-ի վերլուծաբանները:
Համեմատաբար փոքր ուժերի դեպքում, ըստ զեկույցի, հարձակումները ուղղված են Սլավյանսկից հյուսիս ու արևելք, Լիսիչանսկից Սևերսկի ուղղությամբ և հարավից Բահմուտի ուղղությամբ։
Ուկրաինական բանակը, ըստ ISW-ի, փորձում է հակահարձակում նախապատրաստել Խերսոնի ուղղությամբ։
Էմմա Չոբանյան
