09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
Լավրովի պատճառով Բլինքենը չի լինի G20-ի խմբակային լուսանկարներում․ CNN
Քաղաքականություն
06.07.2022 | 19:06
ԱՄՆ պետքարտուղար Էնթոնի Բլինքենը ծրագրում է խուսափել այս շաբաթ Բալիում G20-ի ԱԳ նախարարների հանդիպման ժամանակ Ռուսաստանի արտգործնախարար Սերգեյ Լավրովի հետ որևէ պաշտոնական խմբակային լուսանկարում հայտնվելուց և կփորձի հերքել իր ռուս գործընկերների կեղծ պատմություններն ուկրաինական պատերազմի մասին։ Այս մասին CNN-ին ասել է իրավիճակին ծանոթ աղբյուրը։
Նշվում է, որ շաբաթվա ընթացքում ԱՄՆ-ը և նրա G7-ի դաշնակիցերը քննարկել են՝ ինչպես արձագանքել Լավրովի ներկայությանը։ Աղբյուրի տվյալներով՝ տարբեր տարբերակներ են քննարկվել, այդ թվում՝ հանդիպումները բոյկոտելը, սակայն Վաշինգտոնը որոշել է, որ Բլինքենը չի մասնակցի խմբակային ֆոտոսեսիաներին։
Նա մասնակցելու է աշխատանքային միջոցառումներին, քանի որ ԱՄՆ վարչակազմը ցանկանում է «մարտահրավեր նետել Ռուսաստանին, այլ ոչ թե նրան ամբիոն տալ»։ Նաև ԱՄՆ-ը չի ցանկանում վատ իրավիճակում դնել Ինդոնեզիային, որը հյուրընկալում է գագաթնաժողովը։
Բալիում գագաթնաժողովը տեղի է ունենալու հուլիսի 7-8ը։
Էմմա Չոբանյան
