19.08.2026 | 21:59
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Եվրահանձնաժողովն իրավական դաշտ է նախապատրաստում՝ Ուկրաինայի վերականգնման նպատակով ռուսական սառեցված ակտիվների փոխանցման համար
Քաղաքականություն
06.07.2022 | 19:23
Եվրահանձնաժողովն իրավական դաշտ է նախապատրաստում՝ Ուկրաինայի վերականգնման նպատակով ռուսական սառեցված ակտիվների փոխանցման համար։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը՝ ելույթ ունենալով Եվրախորհրդարանում։
«Եվրահանձնաժողովը դա արդարացի է համարում և իրավական դաշտ է նախապատրաստում, որպեսզի սառեցված ռուսական ակտիվները, ինչպես նաև ռուս օլիգարխների ակտիվները փոխանցվեն Ուկրաինայի վերականգնման կարիքներին»,- ասել է նա։
Ֆոն դեր Լյայենը հավելել է, որ ԵՄ երկրները չեն սպասի Ուկրաինայում հակամարտության ավարտին, և ԵՄ-ն G7-ի երկրների հետ միասին փորձագիտական համաժողով կանցկացնի ռուսական ակտիվների ճակատագրի վերաբերյալ։
«Վերականգնումը հսկայական ջանքեր կպահանջի: Մենք երբեք նման ծավալի գործողություններ չենք իրականացրել, ուստի պետք է հավաքենք ամենափայլուն ուղեղները՝ այն նախապատրաստելու համար»,- ասել է ԵՀ ղեկավարը։
Տաթև Ֆռանգյան
