13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Գերմանիան պատրաստ է Ուկրաինային «անվտանգության երաշխիքներ տալ». Շոլց
Քաղաքականություն
06.07.2022 | 20:05
Բեռլինը պատրաստ է Ուկրաինային «անվտանգության երաշխիքներ» տրամադրել ռուսական ագրեսիայի ֆոնին։ Այս մասին հայտարարել է Գերմանիայի կանցլեր Օլաֆ Շոլցը, փոխանցում է korrespondent-ը։
Միաժամանակ, Շոլցը պարզաբանել է, որ ներկայում նման երաշխիքների տրամադրման կարգը քննարկվում է G7-ի շրջանակում (որը, բացի Գերմանիայից, ներառում է ԱՄՆ-ը, Կանադան, Ճապոնիան, Ֆրանսիան, Իտալիան և Մեծ Բրիտանիան)։
Ի դեպ, հունիսի 29-ին G7-ի գագաթնաժողովից հետո կայացած մամուլի ասուլիսի ժամանակ Շոլցը խուսափել էր Ուկրաինային խոստացված անվտանգության երաշխիքների մասին հարցին ուղիղ պատասխանից։ Նրա պատասխանը սկանդալ է առաջացրել Գերմանիայում։
Այսպես, մամուլի ասուլիսում լրագրողը կանցլերին հարցրել է՝ կարո՞ղ է, արդյոք, հստակեցնել, թե ինչի մասին է խոսքը Ուկրաինային անվտանգության երաշխիքներ տրամադրելու հարցում։
Շոլցը ծիծաղել էր ու ասել՝ «Կարող էի», իսկ կարճատև լռությունից հետո հավելել՝ «Սա է ամենը»։
Նման պատասխանը լրագրողների ու սոցցանցերի օգտատերերի շրջանում քննադատությունների ալիք է առաջացրել։
Ուկրաինայի համար անվտանգության երաշխիքների վերաբերյալ նախագահ Վլադիմիր Զելենսկին խոսել է նաև Մեծ Բրիտանիայի վարչապետ Բորիս Ջոնսոնի հետ։
Տաթև Ֆռանգյան
