16.09.2026 | 13:33
«Պետք ա ձեզ «պոնչո» անեինք, ասեինք՝ ապրե՛ս, լո՞ւրջ». Խամոյանը՝ Հարությունյանին․ ՏԵՍԱՆՅՈՒԹ
ԵԱՀԿ-ն ափսոսանք է հայտնել Թուրքիայում Deutsche Welle-ի և Voice of America-ի հեռարձակման արգելքի կապակցությամբ
Քաղաքականություն
06.07.2022 | 18:21
ԵԱՀԿ մամուլի ազատության հարցերով ներկայացուցիչ Թերեզա Ռիբեյրոն ափսոսանք է հայտնել Թուրքիայում երկու միջազգային հեռարձակողների՝ Deutsche Welle-ի և Voice of America-ի հեռարձակման արգելքի կապակցությամբ: Այս մասին ասված է ԵԱՀԿ պաշտոնական կայքում տարածված հայտարարության մեջ։
ԵԱՀԿ պաշտոնյայի մեկնաբանությունները հետևել են անցյալ շաբաթ Անկարայի խաղաղության առաջին քրեական դատարանի որոշմանը, որով արգելվում է երկրում երկու հեռարձակողների հեռարձակումը՝ 2022 թվականի փետրվարի վերջին 72-ժամյա ժամկետում առցանց հեռարձակման լիցենզիա ստանալու համար Ռադիոյի և հեռուստատեսության բարձրագույն խորհրդի (RTÜK) պահանջը չկատարելու համար:
«Այս երկու լրատվամիջոցների արգելումը հարված է ԵԱՀԿ տարածաշրջանում և Թուրքիայում լրատվամիջոցների ազատությանը։ Դա ոչ միայն վտանգում է անկախ և քննադատական լրագրության մեդիա տարածքը, այլև զրկում է հասարակությանն անհերքելի իրավունքից՝ առանց ավելորդ խոչընդոտների տարբեր աղբյուրներից տեղեկատվությունից ազատորեն օգտվելուց», – հայտարարել է ԵԱՀԿ ներկայացուցիչը։
Այս արգելքի հիմքում, այսպես կոչված, «Ինտերնետում ռադիոյի, հեռուստատեսության և ըստ պահանջի հեռարձակման ներկայացման կանոնակարգն է»։ Այն ընդունվել է 2019 թվականին և պարտավորեցնում է առցանց մեդիա ծառայություններ մատուցողներին՝ պարտադիր լիցենզիա ստանալ RTÜK-ից։
ԵԱՀԿ ներկայացուցիչը քննադատել է կանոնակարգը՝ չափազանց լայն ձևակերպված լինելու համար, որը միաժամանակ պահանջում է հետևել բարդ կանոնների լայն շրջանակին՝ բովանդակության հեռացման հնարավոր սանկցիայով, որը հիմնված է լայն և թույլ սահմանված հիմքերի վրա:
Տաթև Ֆռանգյան
