09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Սլավյանսկի համար կռիվը հաջորդ առանցքային ճակատամարտն է Դոնբասի համար․ Մեծ Բրիտանիայի հետախուզություն
Քաղաքականություն
06.07.2022 | 14:01
Մեծ Բրիտանիայի Պաշտպանության նախարարությունը հրապարակել է Ուկրաինայում իրավիճակի մասին հետախուզական տվյալների թարմ ամփոփագիրը, գրում է BBC-ի ռուսական ծառայությունը։
Նշվում է, որ ՌԴ-ն, հավանաբար, կշարունակի ամրապնդել իր վերահսկողությունը Լիսիչանսկի և Լուգանսկի շրջանում: Հյուսիսում նա զորքերի արևելյան և արևմտյան խմբավորումներից մնացած ստորաբաժանումների մեծ մասը տեղափոխել է Իզյումի ուղղությամբ։
«Վերջին շաբաթվա ընթացքում ռուսական զորքերը, հավանաբար, ևս 5 կմ առաջ են շարժվել Իզյումից գլխավոր E40 ճանապարհի երկայնքով՝ չնայած ուկրաինական ծայրահեղ վճռական դիմադրությանը։ Ռուսական զորքերը՝ Արևելյան ու Արևմտյան խմբավորումներից, հիմա գտնվում են Սլավյանսկից 16 կմ հյուսիս»,- ասվում է ամփոփագրում։
Բրիտանական հետախուզության համաձայն՝ քանի որ քաղաքը գտնվում է նաև Կենտրոնական ու Հարավային խմբավորումների ուժերի սպառնալիքի տակ, կա իրական հավանականություն, որ Դոնբասի համար պայքարում հաջորդ առանցքային ճակատամարտը կլինի Սլավյանսկի համար։
Էմմա Չոբանյան
