01.05.2026 | 11:16
Հայտնի են այս տարվա «Ոսկե ծիրան»-ի անցկացման ժամկետները
Ուկրաինան դիմել է Թուրքիային՝ ստուգելու գողացված ուկրաինական հացահատիկով ևս երեք ռուսական նավ․ ԶԼՄ-ներ
Քաղաքականություն
06.07.2022 | 15:36
Ուկրաինան դիմել է Թուրքիային՝ ստուգելու Ռուսաստանի դրոշի ներքո նավարկող ևս երեք նավերի՝ ուկրաինական տարածքներից գողացված հացահատիկի առկայության ստուգման համար։ Այս մասին հայտնում է Reuters-ը՝ վկայակոչելով Ուկրաինային գլխավոր դատախազի նախկինում չհրապարակված նամակը, փոխանցում է «Европейская правда»-ն։
Հունիսի 13-ով թվագրված նամակում նշվում է երեք նավ, որոնք, ուկրաինական կողմի պնդմամբ, ապրիլ-մայիս ամիսներին Սևաստոպոլում բեռնվել են հացահատիկով։ Բոլոր երեք նավերը պատկանում են Ռուսաստանի «Միավորված նավաշինական կորպորացիայի» դուստր ձեռնարկությանը, որը հայտնվել է Արևմուտքի պատժամիջոցների տակ Ուկրաինա Ռուսաստանի լայնամասշտաբ ներխուժումից հետո:
Գլխավոր դատախազությունը խնդրում է թուրքական կողմին՝ փաստաթղթային հաստատում ստանալ նավերում հացահատիկի ծագման մասին։ Թուրքիայի դիվանագիտական աղբյուրը լրատվամիջոցին ասել է, որ Կիևի ու Անկարայի համագործակցությունը հացահատիկի ծագման հարցում շարունակվում է։
Հավելենք, որ օրերս Թուրքիան արդեն իսկ կալանել է ուկրաինական հացահատիկ տեղափոխող մեկ ռուսական նավ։ Թուրքական կողմն այդ հարցով հետաքննություն է իրականացնում։
Էմմա Չոբանյան
