16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ԱՄՆ կոնգրեսականները Թուրքիային F-16 կործանիչների վաճառքն արգելելու համար օրենքի փոփոխություն են ներկայացրել
Քաղաքականություն
06.07.2022 | 14:33
ԱՄՆ օրենսդիրների երկկուսակցական խումբը փոփոխություններ է կատարել Պաշտպանության ազգային թույլտվության ակտում (NDAA), որը կկանխի Թուրքիային F-16 կործանիչների վաճառքը, եթե Անկարան շարունակի թռիչքները և օդային տարածքի խախտումները Էգեյան ծովում, գրում է ekathimerini-ն։
Փոփոխությունը Կանգրեսին է ներկայացրել խորհրդարանի ծագումով հույն անդամ Քրիս Պապասը, որը ստորագրել են Դինա Տիտուսը, Քերոլին Բ. Մալոնին, Չարլի Քրիսթը և Ջոն Սարբանեսը:
Ըստ այս փոփոխության՝ նախագահին արգելվում է զենք փոխանցել ՆԱՏՕ-ի անդամ երկրին, որը վերջին մեկ տարում բազմիցս խախտել է ՆԱՏՕ-ի անդամ մեկ այլ երկրի օդային տարածքը, ինքնիշխանությունը կամ տարածքային ամբողջականությունը։
Ամերիկացի օրենսդիրների հիմնական նպատակն է, որ Բայդենի վարչակազմը ոչ միայն չշարունակի Թուրքիային վաճառել F-16 կործանիչներ, այլև արդիականացման սարքեր։
Այնուամենայնիվ, փոփոխության մեջ բաց է թողնված պատուհան, որը թույլ է տալիս նախագահին վերացնել սահմանափակումները, եթե Կոնգրեսին հաստատի, որ դա բխում է Միացյալ Նահանգների ազգային անվտանգության կենսական շահերից: Այս համատեքստում նախագահը պետք է մանրամասն ներկայացնի ձեռնարկված կոնկրետ միջոցառումները՝ ապահովելու համար, որ ԱՄՆ-ի զենքը չօգտագործվի ՆԱՏՕ-ի մեկ այլ անդամի ինքնիշխանության խախտման համար:
Էմմա Չոբանյան
