09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Յունիբանկի» մասնաճյուղում պատահարից տուժածները տեղափոխվել են Այրվածքաբանության ազգային կենտրոն
Հասարակություն
06.07.2022 | 12:08
Ինչպես արդեն տեղեկացրել ենք, այսօր առավոտյան «Յունիբանկի» Աշտարակ քաղաքի մասնաճյուղում պայթյուն է տեղի է ունեցել՝ հրդեհի բռնկմամբ։ Տուժածները հոսպիտալացվել էին Աշտարակ քաղաքի ԲԿ:
Բուժկենտրոնի ընդունարանի հերթապահ բուժքույր Արմինե Պապոյանը Factor.am-ի հետ զրույցում ասաց, որ իրենք կանչը ստացել են ժամը 09․07-ին, իսկ 09․15-ին տուժածներին տեղափոխել են հիվանդանոց։
«Մեզ մոտ են տեղափոխվել 6 տուժած, երկուսը դուրս են գրվել, մյուս տուժածների վիճակը բավարար է, նրանք տեղափոխվել են Այրվածքաբանության ազգային կենտրոն։ Բանկի մաքրուհուն հիվանդանոց ենք տեղափոխել մահացած»,- մանրամասնել է բուժքույրը։
Ո՞րն է եղել պայթյունի պատճառը՝ քննչական կոմիտեից Factor.am-ին դեռևս մանրամասներ չհայտնեցին, ասացին՝ ավելի ուշ կտեղեկացնեն, սակայն, ըստ ականատեսների, պայթյունն առաջացել է գազի արտահոսքից։
Արփի Հակոբյան
