22.09.2026 | 21:59
Հայաստանն ու Իտալիան պայմանավորվել են ընդլայնել համագործակցությունը ռազմական կրթության ոլորտում. ՊՆ
ԳՇ-ն առանձին մարմին չէ․ ՊՆ-ին ենթակա կառույց է․ Սուրեն Պապիկյան. ՏԵՍԱՆՅՈՒԹ
Քաղաքականություն
06.07.2022 | 11:06
«Այսօր Պաշտպանության նախարարությունը միաձույլ կառույց լինելու անհրաժեշտություն ունի. սա շատ էական է»,- այս մասին նշեց պաշտպանության նախարար Սուրեն Պապիկյանը՝ ԱԺ պաշտպանության և անվտանգության հարցերի մշտական հանձնաժողովի նիստում անդրադառնալով «Զինվորական ծառայության և զինծառայողի կարգավիճակի մասին օրենքում փոփոխություններ և լրացումներ անելու մասին» նախագծի այն փոփոխությանը, որի համաձայն՝ ԳՇ պետը կդառնա պաշտպանության առաջին փոխնախարար:
«Շատ բարդ է մեկ նախարարության ներսում տարբեր զինվորականների՝ սպաների, գնդապետների ու գեներալների հագուստի վրա կարդալ՝ «Պաշտպանության նախարարություն», «Գլխավոր շտաբ»: Մեկ մարմին, մեկ ամբողջություն պետք է լինի, որպեսզի հնարավոր ռազմական գործողությունների ու տարբեր մարտահրավերների ժամանակ անջրպետ չլինի, և շատ կարևոր է, որ այս փոփոխությունները կատարվեն օր առաջ և կատարվեն նոր Գլխավոր շտաբի պետի նշանակումից առաջ:
Այս փոփոխությունները դրական են անդրադառնալու բանակի կառավարման վրա և որևէ կերպ չեն խաթարելու պաշտպանության նախարարի քաղաքացիական վերահսկողության լիազորությունները:
Գլխավոր շտաբը չպետք է զբաղվի ֆինանսական խնդիրներով, զինվորականը պետք է ձևակերպի խնդիրը, իսկ քաղաքական պատասխանատուները պետք է իրականացնեն ապահովումը, որպեսզի ամեն մեկը կարողանա լինել իր տեղում և կատարել օրենքով իրեն վերապահված գործառույթը»,-նշեց նախարարը:
Մանրամասները՝ տեսանյութում:
