09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայի գրեթե բոլոր մարզերում գիշերն օդային տագնապ է հայտարարվել
Քաղաքականություն
06.07.2022 | 12:00
Ուկրաինայի մարզերի մեծ մասում օդային տագնապ է հայտարարվել։ «Ուկրաինսկայ պրավդայի» փոխանցմամբ՝ գիշերը ժամը 3-ից հետո Ուկրաինայի մարզերի մեծ մասում հնչել են օդային տագնապի ազդանշանները։
Տեղեկացվում է, որ ժամը 03։15-ի դրությամբ ահազանգ է հնչել բոլոր մարզերում, բացի Ռովենի ու Խերսոնի մարզերից, իսկ 03։37-ի դրությամբ օդային տագնապ է հայտարարվել նաև Ռովենի մարզում։
Պատերազմի ուսումնասիրման ամերիկյան ինստիտուտի (ISW) տվյալներով՝ Լիսիչանսկի վերահսկողության տակ վերցնելուց հետո ռուսական զորքերը փորձում են պայմաններ ստեղծել Դոնեցկի մարզի երեք քաղաքների՝ Բախմուտի, Սեվերսկի և Սլավյանսկի վրա հարձակման համար։ Ուկրաինացի զինվորականներն իրենց հերթին կարողացել են վերականգնել իրենց վերահսկողությունը Դոնեցկի շրջանի գյուղերից մեկում և փոքր առաջխաղացում ունենալ Խերսոնի ուղղությամբ:
Բրիտանական ռազմական հետախուզության փորձագետներն էլ կարծում են, որ Սլովյանսկի համար մարտը կլինի հաջորդ խոշոր ճակատամարտը Դոնբասում, քանի որ քաղաքը գտնվում է ռուսական զորքերի կենտրոնական և հարավային խմբերի սպառնալիքի տակ։ Բացի այդ, արևելյան և արևմտյան խմբերի զինվորականներն այժմ գտնվում են Սլովյանսկից մոտ 16 կմ հյուսիս:
Տաթև Ֆռանգյան
