13.04.2026 | 23:32
Հոսանքազրկումներ՝ Երևանում և մարզերում
Պատերազմի դեպքում պատասխանատվությունն ո՞ւմ վրա է ընկնում՝ ԳՇ պետի՞, թե՞ նախարարի․ պատգամավորը՝ Պապիկյանին. ՏԵՍԱՆՅՈՒԹ
Քաղաքականություն
06.07.2022 | 10:36
«44-օրա պատերազմի ժամանակ այդպես էլ չհասկացանք՝ ով էր ղեկավարում պատերազմը: Ամեն մեկն իր վրայից պատասխանատվությունը գցում էր, վերջում պարզվեց, որ մեղավորը վարչապետն է»,- այս մասին ԱԺ պաշտպանության և անվտանգության հարցերի մշտական հանձնաժողովի նիստում նշեց ՊՆ նախկին փոխնախարար, «Քաղաքացիական պայմանագիր խմբակցության պատգամավոր Գագիկ Մելքոնյանը:
Անդրադառնալով «Զինվորական ծառայության և զինծառայողի կարգավիճակի մասին օրենքում փոփոխություններ և լրացումներ անելու մասին» նախագծի այն փոփոխությանը, որի համաձայն՝ ԳՇ պետը կդառնա պաշտպանության առաջին փոխնախարար, պատգամավորը հետաքրքրվեց. «Եթե ԳՇ պետը դառնում է ՊՆ առաջին տեղակալ, պատերազմի ժամանակ պատասխանատվությունն ո՞ւմ վրա է ընկնում՝ ԳՇ պե՞տի, թե՞ նախարարի»:
Պաշտպանության նախարար Սուրեն Պապիկյանը, ի պատասխան այդ հարցի, նշեց, որ թե՛ գործող և թե՛ նոր կարգավորումներով յուրաքանչյուր անձ պատասխանատվություն է կրում իր գործողությունների համար: «Բայց քաղաքական պատասխանատուն բնականաբար պաշտպանության նախարարն է: Յուրաքանչյուր անձ պետք է իր լիազորություններն իրացնելու կամք ունենա: Նոր օրենքի նախագծով հստակ նշվում է թե՛ պաշտպանության նախարարի և թե՛ Գլխավոր շտաբի պետի լիազորությունների ու պարտավորությունների շրջանակը»,- նշեց նախարարը:
Մանրամասները՝ տեսանյութում:
