17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Ռուսաստանն իր վերահսկողության տակ գտնվող Զապորոժիեից ուկրաինական հացահատիկը ցանկանում է արտահանել Մերձավոր Արևելքի երկրներ
Քաղաքականություն
05.07.2022 | 15:18
Ռուսաստանն ուկրաինական Զապորոժիեից, որն այժմ գտնվում է ռուսական վերահսկողության տակ, հացահատիկ է արտահանելու Մերձավոր Արևելքի երկրներ, գրում է BBC-ի ռուսական ծառայությունը։
Մասնավորապես, նշվում է, որ ՏԱՍՍ-ի հետ զրույցում Զապորոժիեի՝ Ռուսաստանի իշխանությունների կողմից նշանակված ռազմաքաղաքացիական վարչակազմի ղեկավար Եվգենի Բալիցկին ասել է, որ մարզը պայմանավորվածություն է ձեռք բերել արտասահման հացահատիկի արտահանման շուրջ, հիմնականում՝ Մերձավոր Արևելքի երկրներ։ Նրա խոսքով՝ մարզը նախատեսում է ուկրաինական հացահատիկը վաճառել Իրաքին, Իրանին և Սաուդյան Արաբիային։ Բալիցկին ասել է, որ հացահատիկն աճեցրած ֆերմերն արդեն իսկ վճարվել է դրա դիմաց։
Նա նաև հայտարարել է, որ Իրանի հետ կնքվել է խոշորագույն պայմանագրերից մեկը՝ 150 հազար տոննա հացահատիկի մատակարարման համար։
Ուկրաինան բազմիցս մեղադրել է Ռուսաստանին հացահատիկի գողության մեջ, սակայն Մոսկվան հերքում է այդ մեղադրանքը։ Ավելի վաղ էլ հաղորդվում էր, որ Թուրքիան Սև ծովի ափերի մոտ կանգնեցրել է ռուսական դրոշով բեռնատար նավ՝ հետաքննելու Ուկրաինայի այն պնդումը, որ այն գողացված հացահատիկ է տեղափոխում։
Էմմա Չոբանյան
