23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
Աշխարհում կորոնավիրուսով վարակվածների թիվը գերազանցել է 550 միլիոնը
Քաղաքականություն
05.07.2022 | 17:57
Աշխարհում SARS-CoV-2-ով վարակվածների թիվը գերազանցել է 550 միլիոնը, ասվում է Ջոն Հոփքինսի համալսարանի և Worldometer պորտալի հուլիսի 5-ի տվյալներում։ Վարակվածների թվով Միացյալ Նահանգները դեռևս առաջատարն է՝ ավելի քան 89,5 միլիոն (այդ թվում՝ ավելի քան 1,04 միլիոն մահվան ելքով), փոխանցում է DW-ն:
Բացի ԱՄՆ-ից՝ ավելի քան 20 միլիոն վարակված ունեցող երկրների թվում են Հնդկաստանը և Բրազիլիան, Ֆրանսիան, Գերմանիան և Մեծ Բրիտանիան։ Ռուսաստանը ցուցակում զբաղեցնում է 9-րդ տեղը (ավելի քան 18,4 միլիոն վարակման դեպք, այդ թվում՝ ավելի քան 381 հազար մահվան):
Ներկայում Գերմանիան կորոնավիրուսով վարակվածների թվով աշխարհում հինգերորդն է (ավելի քան 28,5 միլիոն, այդ թվում՝ ավելի քան 141 հազար մահ): Ռոբերտ Կոխի ինստիտուտի (RKI) տվյալների համաձայն՝ հուլիսի 5-ի դրությամբ՝ կորոնավիրուսով վարակվածության մակարդակը ներկայում կազմում է 687,7 դեպք՝ հարյուր հազար բնակչության հաշվով (նախորդ օրը՝ 650,5, անցած շաբաթ՝ 635,8 և նախորդ ամիս՝ 257,6)։
Գերմանիայի առողջապահական իշխանություններն օրական գրանցել են վարակման 147,489 նոր դեպք և 102 մահ։ Մեկ շաբաթ առաջ օրական աճը կազմում էր 142 329 դեպք։
Փորձագետները նշում են, որ Գերմանիայում վարակվածների իրական թիվը շատ ավելի մեծ է, քանի որ շատ դեպքեր մնում են չբացահայտված։ Պաշտոնական վիճակագրությունը ներառում է միայն այն դեպքերը, որոնք հաստատվում են PCR թեստի հիման վրա:
Տաթև Ֆռանգյան
