22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Գործող Սահմանադրությունը խնդիրներ ունի մարդու իրավունքների՝ հատկապես սոցիալական իրավունքների իմաստով. Արտյոմ Գեղամյան․ ՏԵՍԱՆՅՈՒԹ
Քաղաքականություն
05.07.2022 | 14:03
«Սահմանադրական բարեփոխումների թե՛ խորհրդում թե՛ հանձնաժողովում քննարկումներն ընթանում են մասնագիտական հունով, քննարկումներ են կազմակերպվում նաև հանրության հետ: Մենք գտնվում ենք օրակարգի ձևավորման գործընթացում»,- Սահմանադրական բարեփոխումների հանձնաժողովը և ԱլԳ ՔՀՖ Հայաստանի ազգային պլատֆորմը համատեղ քննարկմանն այս մասին նշեց Սահմանադրական բարեփոխումների հանձնաժողովի անդամ Արտյոմ Գեղամյանը:
Նրա խոսքով՝ վարչապետի որոշման համաձայն՝ մինչև 2022թ. տարեվերջ օրակարգը ձևավորելու ժամանակ է տրվել. «Օրակարգի ձևավորումից հետո Կառավարության հաստատմանը կներկայացնենք հայեցակարգ, դրա համար շատ կարևոր է քննարկումներին մասնակցությունը, կարևոր է լսել բոլորի կարծիքները»:
Գեղամյանի դիտարկմամբ՝ 2015թ. սահմանադրական փոփոխությունները «թունավոր ծառի պտուղ» են, որոնք չպետք է այսօր օգտագործել, այլ պետք է հրաժարվել: «2015-ի հիմնական փոփոխությունը կառավարման համակարգի փոփոխությունն էր… Պետք է ձեռնպահ մնալ կառավարման համակարգերի հաճախակի փոփոխություններից: Արդյո՞ք մենք պահպանելու ենք խորհրդարանական համակարգը, թե՞ վերադառնալու ենք նախագահականին. սա բազմաթիվ հարցադրումներից մեկն է»,- նշեց Գողամյանը:
Նա նաև ընդգծեց, որ գործող Սահմանադրությունը խնդիրներ ունի մարդու իրավունքների՝ հատկապես սոցիալական իրավունքների իմաստով:
Մանրամասները՝ տեսանյութում։
