22.04.2026 | 16:07
Մինչ այս պահը 3 կուսակցություն է ընտրություններին մասնակցելու փաստաթուղթ ներկայացրել. ԿԸՀ խոսնակ․ ՏԵՍԱՆՅՈՒԹ
Մեծ Բրիտանիան ընդլայնել է Բելառուսի դեմ պատժամիջոցները՝ արգելելով զենքի ներկրումն ու մի շարք ծառայությունների մատուցումը
Քաղաքականություն
05.07.2022 | 14:38
Մեծ Բրիտանիան փոփոխություններ է մտցրել Բելառուսի նկատմամբ սահմանված պատժամիջոցների ցուցակում՝ ավելացնելով զենքի, երկաթի ու պողպատի որոշ արտադրանքների ներմուծման, ինչպես նաև մետալուրգիական արտադրանքի հետ կապված միջնորդական ծառայությունները և այլ սահմանափակումներ, գրում է Ինտերֆաքսը։
Բրիտանիայի կառավարության հրապարակած հայտարարության մեջ նշվում է, որ «արգելվում է զենքի, երկաթի և պողպատի արտադրանքի ներմուծումը»։ Նաև արգելում է մետալուրգիական արտադրանքի և հանքային ռեսուրսների հետ կապված տեխնիկական աջակցության, ֆինանսական և միջնորդական ծառայությունների մատուցումը։ Բացի այդ, փոփոխությունը նաև երկարացնում է «որոշ հանքային ապրանքների և կալիումի արգելքը»։
Նշվում է, որ փոփոխություններն արվել են հուլիսի 4-ին, ուժի մեջ են մտել հուլիսի 5-ից։
Փաստաթղթում ասվում է, որ արգելքը վերաբերում է այն ապրանքներին, որոնց ծագման վայրը Բելառուսն է կամ մատակարարվում է Բելառուսից։
Էմմա Չոբանյան
