16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
«Սասնա ծռերի» 11-ն անդամների նկատմամբ կիրառված խափանման միջոցը փոխելու փաստաբանների միջնորդությունը մերժվեց. ՏԵՍԱՆՅՈՒԹ
Հասարակություն
11.05.2018 | 18:07
«Սասնա ծռերի» 11-ն անդամների՝ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի և Թորոս Թորոսյանի գործով դատական նիստին դատավոր Արշակ Վարդանյանը վերադառնալով խորհրդակցական սենյակից հայտարարեց, որ ներկայացված միջնորդություններից դատաբժշկական փորձաքննություն անցկացնելու մասին միջնորդությունը բավարարել, իսկ կալանքի վերաբերյալ միջնորդություններին անդրադառնալով ասաց, որ Արամ Հակոբյանին գրավի դիմաց ազատ արձակելու մասին միջնորդությունը մերժում է, Թաթուլ Թամրազյանին, Հովհաննես Հարությունյանին ազատ արձակելու կամ գրավի դիմաց բաց թողնելու միջնորդությունները ևս մերժվեցին, ինչին հաջորդեցին դահլիճից ամոթ վանկարկումներն ու սուլոցները:
Մեղադրյալները լքեցին դահլիճը, իսկ նիստին ներկաներն էլ դատավորին հայհոյելով հեռացան դահլճից: Դատավորը շարունակում էի այս ամենի ֆոնին ընթերցել իր որոշումը, որը դահլիճի աղմուկի պատճառով լսելի չէր:
Ըստ երևույթին դատավորը բոլորի կալանքի որոշումը թողեց անփոփոխ:
Հիշեցնենք, որ այսօր փաստաբանները միջնորդել էին փոխել կամ վերացնել ամբաստանյալների նկատմամբ կիրառված խափանման միջոցը։
Նշենք, որ դատավորի խոսքը լսելի չէր դատարանում՜ հավաքվածների «ամոթ-ամոթ» բղավոցների ներքո:
