19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թուրքիայում ուկրաինական հացահատիկով ռուսական նավը դեռ կալանված է․ հետաքննությունը շարունակվում է
Քաղաքականություն
05.07.2022 | 13:14
Թուրքիայի կողմից կալանված ուկրաինական հացահատիկ տեղափոխող ռուսական նավի բեռը չի առգրավվել, հետաքննությունը շարունակվում է։ Այս մասին հայտնում է թուրքական Aydınlık թերթը, որին վկայակոչում է ՌԻԱ Նովոստին։
Ավելի վաղ թուրքական մաքսատան ներկայացուցիչը ՌԻԱ Նովոստիին հաստատել էր ռուսական նավի կալանման փաստը՝ նշելով, որ հարցի վերաբերյալ դեռևս հստակ որոշումներ չեն կայացվել։
«Ըստ Մաքսային մարմիններից ստացված տեղեկատվության՝ առգրավում կամ կալանք չի եղել։ Հաղորդվել է, որ հետաքննությունը շարունակվում է այն լուրերից հետո, որ նավը գողացված հացահատիկ է տեղափոխում, և որ նավն այս ամբողջ ընթացքում սպասել է Կարասու նավահանգստի մուտքի մոտ։ Այսպիսով, պարզվել է, որ դեսպան Բոնդարը ցանկանում էր «քաղաքական ական» տեղադրել հացահատիկային միջանցքում»,- գրել է թուրքական պարբերականը։
Հիշեցնենք, որ Անկարայում Ուկրաինայի դեսպան Վասիլի Բոնդարն ավելի վաղ հայտնել էր, որ թուրքական մաքսատունը կալանել է ռուսական նավը, որն ուկրաինական ցորեն է տեղափոխել։
Հավելենք նաև, որ Կիևը Մոսկվային մեղադրում է ուկրաինական հացահատիկը գողանալու մեջ այն տարածքներից, որոնք անցել են ռուսական վերահսկողության տակ։ ՌԴ-ն հերքում է այս մեղադրանքները։
Էմմա Չոբանյան
