26.11.2024 | 12:49
NYMEX. Թանկարժեք մետաղների գները նվազել են
Ռուսաստանը երկարացրել է դեպի երկրի հարավային օդանավակայաններ թռիչքների արգելքը
Քաղաքականություն
05.07.2022 | 15:36
«Ռոսավիցիան» երկարացրել է դեպի երկրի հարավային օդանավակայաններ թռիչքների արգելքը։ Ժամանակավորապես սահմանափակվել են թռիչքները դեպի Անապայի, Բելգորոդի, Բրյանսկի, Վորոնեժի, Գելենջիկի, Կրասնոդարի, Կուրսկի, Լիպեցկի, Դոնի Ռոստովի, Սիմֆերոպոլի և Էլիստայի օդանավակայաններ։ Ռուսական ավիաընկերություններին առաջարկվում է ուղևորների փոխադրում կազմակերպել այլընտրանքային երթուղիներով՝ օգտագործելով Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայանները։
Հիշեցնենք՝ Ռուսաստանի հարավում թռիչքները սահմանափակվել են փետրվարի 24-ից՝ Ուկրաինայի տարածքում, այսպես կոչված, «հատուկ գործողության» մեկնարկից հետո։ Սկզբում սահմանափակումներն ուժի մեջ էին մինչև մարտի 2-ը, բայց հետո «Ռոսավիցիան» այն բազմիցս երկարաձգեց։
Հավելենք, որ ապրիլի 11-ին Եվրահանձնաժողովը 21 ռուսական ավիաընկերությունների «սև ցուցակում» է ներառել, որոնց թվում են երկրի խոշորագույն ավիաընկերությունները՝ «Աերոֆլոտ»-ը, «Պոբեդան», «Յուտեյր»-ը, «Ս7»-ը: Այդ ժամանակվանից այս ավիաընկերությունները կենտրոնացել են ներքին թռիչքների վրա՝ դրա համար օգտագործելով լիզինգային ինքնաթիռները:
Տաթև Ֆռանգյան
