19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Եվրոպայում գազի գինը մարտի սկզբից ի վեր առաջին անգամ գերազանցել է 1800 դոլարը
Քաղաքականություն
05.07.2022 | 12:29
Եվրոպայում գազի գինը բորսաների սակարկությունների բացման ժամանակ մարտի սկզբից ի վեր առաջին անգամ գերազանցել է հազար խորանարդ մետրի դիմաց 1800 դոլարը, գրում է ՌԻԱ Նովոստին։
TTF-ի ինդեքսի համաձայն օգոստոսյան ֆյուչերսների սակարկությունները սկսվել են 1801,2 դոլարից։ Այնուհետև արժեքորոշումներն աճել են՝ հասնելով 1812 դոլարի (+2,9%), ինչից հետո մի փոքր նվազել են՝ հասնելով 1766,6 դոլարի (+0,3%), իսկ վերջին րոպեներին կրկին աճել են ու մոտ են 1775 դոլարին (+0,8%)։
Մարտի սկզբին Եվրոպայում գազի գները, ռուսական էներգառեսուրսների ներկրման արգելքի մտավախությունների պատճառով, չորս օր անընդմեջ թարմացրին իրենց պատմական առավելագույն ցուցանիշները։ Գների ռեկորդը՝ 3892 դոլար, գրանցվել է մարտի 7-ին (+275% մինչև փետրվարի 23-ը), իսկ օրվա հաշվարկային գինը հազար խորանարդ մետրի համար կազմել է 2560,7 դոլար (+146,5%)։
Տաթև Ֆռանգյան
