07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ներքին Կարմիրաղբյուրում տրակտորն ընկել է ձորը․ վարորդն արգելափակվել է խցիկում
04.07.2022 | 19:43
Հուլիսի 4-ին, ժամը 12:17-ին Տավուշի մարզային ճգնաժամային կառավարման կենտրոն ահազանգ է ստացվել, որ Ներքին Կարմիրաղբյուր գյուղում տրակտորն ընկել է ձորը․ կա արգելափակված քաղաքացի։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ֊փրկարարական ջոկատից մեկ մարտական հաշվարկ և Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի Տաուշի հատուկ օբյեկտների պահպանության հրշեջ-փրկարարական ջոկատի Ներքին Կարմիրաղբյուրի հենակետի օպերատիվ խումբը։
Պարզվել է, որ Ներքին Կարմիրաղբյուր գյուղում տրակտորը շրջվել և մոտ 50 մ գլորվել է ձորը․ վարորդ Հ․ Վ․-ն (ծնված 1957 թ․) արգելափակվել է տրակտորի խցիկում։
Փրկարարներն արգելափակումից դուրս են բերել վարորդին և մոտեցրել շտապօգնության ավտոմեքենային․ տուժածը հոսպիտալացվել է Բերդի ԲԿ, այնուհետև տեղափոխվել է Երևանի «Նաիրի» ԲԿ, որտեղ բժիշկները նրա առողջական վիճակը գնահատել են ծանր։
