07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Գրադարանը հացի խանութի չափ մոտ պետք է լինի․ սա սոցիալական անարդարություն չի՞․ Արմեն Մարտիրոսյան․ ՏԵՍԱՆՅՈՒԹ
Հասարակություն
04.07.2022 | 17:09
«Գործընկերություն հանուն բաց հասարակության» նախաձեռնությունը և Հայաստանում Եվրոպական Միության պատվիրակության գրասենյակը քննարկում են կազմակերպել՝ «Կրթության ոլորտում սոցիալական արդարության վերականգնումը, կրթության հասանելիության և որակի ապահովումը» թեմայով։
«Անտարես» հրատարակչության տնօրեն Արմեն Մարտիրոսյանը քննարկման ընթացքում անդրադարձավ գրադարանների ֆինանսավորման խնդրին՝ նշելով. «Ունենք 10 մարզային գրադարան, որոնք ֆինանսավորվում են ընդամենը 40 գիրք գնելու համար, մյուս գրադարանները չեն ֆինանսավորվում: Հայաստանում ամեն տարի լույս է տեսնում մոտ 2 հազար հայերեն գիրք, բայց գրադարանները չեն ֆինանսավորվում նոր լույս տեսած գրքերը գնելու համար:
Դպրոցական գրադարանները 1998-ից հետո չեն համալրվել, եթե նվեր չեն ստացել: Դպրոցական գրադարանը դպրոցական դասագրքի պահեստ է դարձել: Պետք է վերանայել՝ դպրոցում ինչ գիրք պետք է լինի, ինչ չլինի»:
Մարտիրոսյանի դիտարկմամբ՝ ուսուցիչների ու դասախոսների մի մասը խոչընդոտ են հանդիսանում գիտելիքի աղբյուրի և աշակերտի ու ուսանողի միջև: Նրա կարծիքով՝ գրադարանները հնարավորություն կտային այդ խոչընդոտը վերացնել: «Գրադարանը պետք է լինի հացի խանութի չափ մոտ, սակայն այդպես չէ, սա սոցիալական անարդարություն չէ՞»,- նշեց Մարտիրոսյանը:
Նրա խոսքով՝ 2030թ. ԿԳՄՍՆ ռազմավարության մեջ «գիրք» և «գրադարան» բառերը բացակայում են:
Մանրամասները՝ տեսանյութում:
