13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Առկա 33% անգրագիտությունն արտակարգ իրավիճակ է․ որևէ ստրատեգիա ունի՞ նախարարությունը․ Լարիսա Մինասյան․ ՏԵՍԱՆՅՈՒԹ
Հասարակություն
04.07.2022 | 17:18
«Նախքան հեղափոխությունը կրթական համակարգի բարեվարքության մասին կատարված հետազոտության արդյունքում բացահայտվեց կրթական համակարգի բարեվարքության չկայացած լինելը: Հետագայում դա կոչվեց համակարգի զավթում»,- «Կրթության ոլորտում սոցիալական արդարության վերականգնումը, կրթության հասանելիության և որակի ապահովումը» թեմայով քննարկման ժամանակ այս մասին նշեց «Բաց հասարակության հիմնադրամներ – Հայաստան»-ի նախկին գործադիր տնօրեն Լարիսա Մինասյանը:
Անդրադառնալով կրթության ոլորտում առկա հիմնախնդիրներին՝ Մինասյանն ընդգծեց. «18-19 տարեկանների 10 տոկոսը դպրոցն ավարտել է առանց գրագետ լինելու. այսինքն՝ անգրագետ աշակերտը 1-ից մինչև 11-րդ դասարան փոխադրվել է որպես գիտելիք ունեցող մեկը: Կամ 10 տարեկան երեխաների 33 տոկոսն անգրագետ է, բայց 4 տարի այդ երեխաները փոխադրվել են հաջորդ դասարան։ Սա վկայում է կրթական համակարգի զավթված լինելու մասին»:
Մինասյանի գնահատմամբ՝ 10 տարեկանների շրջանում առկա 33% անգրագիտությունն արտակարգ իրավիճակ է: «Որևէ ստրատեգիա ունի՞ նախարարությունը: Առաջին հերթին համակարգը գնահատման ստրատեգիա պետք է ունենա… Երեխայի կրթության իրավունքը պետք է ապահովվի»,- նշեց «ԲՀՀ – Հայաստան»- ի նախկին գործադիր տնօրենը՝ նկատելով, որ այս արտակարգ իրավիճակում որևիցե արտակարգ լուծում չի առաջարկվում:
Նրա խոսքով՝ կրթական համակարգի գնահատումն ու վերահսկումն անտեսված է. «Ուսուցիչները կարող են ստուգարքն անցնել և դրանից հետո 5 տարի ոչինչ չանել»:
Բանախոսի դիտարկմամբ՝ այն երկիրը չէ ամենաերջանիկը, որտեղ ամենալավ կրթությունը կարող են ստանալ, այլ այն երկիրը, որտեղ կրթությունը բոլորի համար է:
Լարիսա Մինասյանն անդրադարձավ նաև կրթական համակարգում առկա խտրականությանը, ինչը, ըստ բանախոսի, նկատելի է թե՛ ուսուցիչների դիրքորոշումներում, թե՛ դասագրքերում:
Մանրամասները՝ տեսանյութում:
