19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Pfizer-ի ղեկավարը նախազգուշացրել է կորոնավիրուսի նոր ալիքի մասին
Քաղաքականություն
04.07.2022 | 15:21
Pfizer-ի ղեկավար Ալբերտ Բուրլան հայտարարել է կորոնավիրուսի նոր ալիքի մոտենալու մասին և կոչ արել վերապատվաստվել՝ նվազեցնելու հոսպիտալացման և մահվան ռիսկերը, հայտնում է The Jerusalem Post-ը։
«Մոտենում է համաճարակի նոր ալիքը: Կարծում եմ, որ դեռ ոչ բոլորն են վերապատվաստվել պատվաստանյութի չորրորդ չափաբաժնով: Բացի այդ, դեռևս կա «օմիկրոն» շտամը, որը դժվար է կառավարել: Ըստ իսրայելցի գիտնականների եզրակացությունների՝ պատվաստումն օգնում է նվազեցնել հոսպիտալացման և մահվան վտանգը»,- ասել է Ալբերտ Բուրլան:
Նա նշել է, որ յուրաքանչյուր երկիր ունի իր սեփական ուսումնասիրությունները պատվաստումների հետ կապված, ուստի ինքը կառավարություններին ոչ մի առաջարկություն չի անում, այլ միայն տրամադրում է տեղեկատվություն և տվյալներ։
Հիշեցնենք՝ ԱՀԿ-ն կարծում է, որ առաջիկա երկու ամիսներին Եվրոպայում կնկատվի կորոնավիրուսով վարակման դեպքերի աճ։
Տաթև Ֆռանգյան
