16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Ուկրաինական ուժերը դուրս են եկել Լիսիչանսկից․ ՌԴ-ն հայտարարել է Լուգանսկն ամբողջությամբ վերահսկելու մասին
Քաղաքականություն
04.07.2022 | 13:26
Ուկրաինական ուժերը դուրս են եկել ռմբակոծված Լիսիչանսկ քաղաքից, ինչի արդյունքում Ռուսաստանը լիակատար վերահսկողություն է հաստատել Արևելյան Լուգանսկի շրջանի նկատմամբ, որը Կրեմլի պատերազմի հիմնական նպատակն է։ Ուկրաինայի նախագահ Վլադիմիր Զելենսկին, սակայն, խոստացել է վերադարձնել կորցրած տարածքը, գրում է Reuters-ը:
Ուկրաինան կիրակի հայտարարեց, որ զորքերի մարտավարական դուրսբերումը կփրկի իր զինվորների կյանքը, որոնք կվերախմբավորվեն հակահարձակման համար՝ արևմտյան հեռահար զենքերի օգնությամբ:
Սակայն Մոսկվան հայտարարել է, որ հարևան Սևերոդոնեցկի գրավումից ընդամենը մեկ շաբաթ անց Լիսիչանսկի գրավումը նշանակում է, որ «ազատագրվել» է Լուգանսկը:
Reuters-ը նշում է, որ մարտադաշտի կենտրոնացումն այժմ տեղափոխվում է հարևան Դոնեցկի շրջան, որտեղ Կիևը դեռևս վերահսկում է տարածքների մի մասը:
Տաթև Ֆռանգյան
