09.10.2026 | 18:34
Պուտինը, Փաշինյանն ու Ալիևը Թուրքմենստանում 15 րոպեանոց չծրագրված հանդիպում են անցկացրել
Ադրբեջանում հորդառատ անձրևների և հեղեղումների պատճառով փակվել է Վրաստան տանող ճանապարհը․ ԼՈՒՍԱՆԿԱՐՆԵՐ
Քաղաքականություն
04.07.2022 | 17:53
Ադրբեջանի մի շարք բնակավայրերում նախօրեին տեղացած հորդառատ անձրևների հետևանքով հեղեղումներ են, մասնավորապես՝ Զաքաթալայի շրջանի Մուխախ, Մամրիխ, Լահիչ, Բեհմեթլի ու այլ գյուղերում, գրում են տեղական լրատվամիջոցները։
Հաղորդվում է, որ անձրևաջրերը լցվել են տների բակերն ու ողողել տնտեսությունները։
Հեղեղումների հետևանքով փակվել է Վրաստան տանող Եվլախ-Զաքաթալա ավտոմայրուղու մի հատվածը, որն անցնում է Լահիչ ու Բեհմեթլի գյուղերով։ Հորդառատ անձրևները մեծ վնաս են հասցրել գյուղատնտեսական հողերին ու ճանապարհներին։ Տեղում աշխատում են համապատասխան հաստատությունների աշխատակիցները՝ վնասները վերացնելու համար։
Ադրբեջանական լրատվամիջոցները նաև հայտնում են, որ Շահդաղ բնակավայրում նույնիսկ ձյուն է տեղացել ու 1 սմ-ոց ծածկույթ գոյացել։
Էմմա Չոբանյան
