16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Հրաձգություն Կոպենհագենի առևտրի կենտրոններից մեկում․ չի բացառվում ահաբեկչության վարկածը
Քաղաքականություն
04.07.2022 | 11:42
Առնվազն երեք մարդ մահացել է, ևս երեքը գտնվում է ծանր վիճակում Կոպենհագենի առևտրի կենտրոնում տեղի ունեցած հրաձգության հետևանքով, հայտնել է Դանիայի ոստիկանությունը։ Միջադեպը տեղի է ունեցել քաղաքի հարավում գտնվող Field’s առևտրի կենտրոնում կիրակի օրը։ Ոստիկանությունը չի բացառել ահաբեկչության վարկածը, գրում է BBC-ի ռուսական ծառայությունը։
Դեպքի վայրից նկարահանված կադրերում երևում է, թե ինչպես են մարդիկ փախչում առևտրի կենտրոնից: Հրաձգության կոնկրետ ժամը չի հաղորդվում, սակայն հայտնի է, որ դեպքի մասին ոստիկանություն ահազանգը ստացվել է տեղական ժամանակով 17:35-ին։
Ոստիկանությունը հայտնել է, որ ձերբակալվել է 22-ամյա մի տղամարդ, նրանից առգրավել են հրազեն ու զինամթերք։ Ձերբակալվածի անունը դեռ հայտնի չէ, նա միայն բնութագրվում է որպես «էթնիկ դանիացի»։ Հարձակման ականատես Ռիկե Լևանդովսկին դանիական հեռուստատեսությանը պատմել է, որ լսել է կրակոցները և թաքնվել խանութի վաճառասեղանի հետևում:
«Սկզբում մարդիկ կարծեցին, որ նա գող է: Իսկ հետո ես լսեցի կրակոցներն ու անմիջապես թաքնվեցի վաճառասեղանի հետևում։ Նա պարզապես կրակում էր մարդկանց վրա, ոչ հատակին կամ առաստաղին»,-պատմել է նա։
Տաթև Ֆռանգյան
