19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Հունաստանի ԱԳՆ-ն արձագանքել է ՌԴ-ի կողմից հույն դիվանագետների արտաքսմանը
Քաղաքականություն
01.07.2022 | 21:28
Հունաստանի Արտաքին գործերի նախարարությունը 8 հույն դիվանագետների արտաքսելու՝ ռուսական իշխանությունների որոշումը համարում է անհամաչափ պատասխան միջոց։ Այս մասին ասված է Հունաստանի ԱԳՆ հայտարարության մեջ, գրում է ՏԱՍՍ-ը։
«Հունաստանի ԱԳՆ գլխավոր քարտուղարն ավելի վաղ այցելել է Աթենքում Ռուսաստանի դեսպանին՝ ՌԴ իշխանությունների կողմից 8 հույն դիվանագետների արտաքսման կապակցությամբ։ Նա ընդգծել է, որ ռուսական արձագանքն անհամաչափ էր՝ համեմատած այն միջոցների հետ, որոնք Հունաստանը ձեռնարկել է որոշ ռուս դիվանագետների նկատմամբ, որոնք հայտարարվել են պերսոնա նոն գրատա, քանի որ նրանք կատարել էին գործողություններ, որոնք հակասում էին իրենց դիվանագիտական կարգավիճակին»,- ասվում է հայտարարության մեջ։
Նշվում է նաև, որ հույն դիվանագետները որեւէ կերպ չեն խախտել Վիեննայի կոնվենցիան։ Հունաստանի ԱԳՆ-ն իր բողոքն է հայտնել ռուս պաշտոնյաների վերջին հայտարարությունների կապակցությամբ և կոչ արել Մոսկվային՝ խուսափել Աթենքի դեմ ընդհանրացումներից և անհիմն մեղադրանքներից։
Հավելենք, որ ՌԴ-ն ավելի վաղ պերսոնա նոն գրատա է հայտարարել ու արտաքսել Մոսկվայում Հունաստանի դեսպանատան 8 դիվանագետի։
Էմմա Չոբանյան
