09.06.2026 | 12:10
Նորընտիր ԱԺ-ի առաջին նիստը՝ օգոստոսի 2-ին // ԵՄ-ն՝ ՀՀ-ի դեմ Մոսկվայի հիբրիդային հարձակումների մասին․ ԼՈՒՐԵՐ
Փաստաբանները միջնորդեցին ազատ արձակել «Սասնա ծռերի» 11 անդամներին
Հասարակություն
11.05.2018 | 13:21
Այսօր Երևանի ընդհանուր իրավասության դատարանի Շենգավիթի նստավայրում, նախագահող Արշակ Վարդանյանի նախագահությամբ կայացավ «Սասնա ծռեր» խմբի 11 անդամների գործով դատական նիստը։
Նիստի մեկնարկին փաստաբանները միջնորդեցին ազատ արձակել ամբաստանյալներին կամ փոխել նրանց խափանման միջոցը ստորագրությամբ չհեռանալու մասին․ «Քաղաքական իրադրություն է փոխվել, ժողովրդի իշխանությունը յուրացրած անձը հարկադրված հրաժարական տվեց և հիմա այս հանգամանքը հաշվի առնելով մենք վստահ ենք, որ դատարաններն այլևս որևէ կաշկանդվածություն չպետք է ունենան և այս պայմաններում բացակայում են մեր պաշտպանյալներին անազատության մեջ պահելու բոլոր հիմքերը»,- դատարանում հայտարարեց փաստաբան Մուշեղ Շուշանյանը։
Փաստաբանները հերթով միջնորդություններ ներկայցրին դատարանից պահանջելով արդարադատություն իրականացնել։
Բոլոր միջնորդությունները լսելուց հետո դատավորը կհեռանա խորհրդակցական սենյակ՝ որոշում կայացնելու:
