19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Հերթական հարվածն էր մեր պետականությանը. Վահե Հակոբյանը` իրեն պաշտոնանկ անելու մասին. ՏԵՍԱՆՅՈւԹ
Քաղաքականություն
01.07.2022 | 20:40
«Այսօր ազգային խայտառակություն հանդիսացող իշխանություններն իրենց համար կարևոր օրակարգով արտահերթ նիստ էին հրավիրել ԱԺ-ում, որտեղ, նրանց ընկալմամբ, դարակազմիկ որոշում են ընդունել՝ ինձ ու Իշխան Սաղաթելյանին ազատել պաշտոններից»,- Ֆրանսիայի հրապարակում «Դիմադրություն» շարժման հանրահավաքի ժամանակ խորհրդարանական ընդդիմության ներկայացուցիչների պաշտոնազրկման գործընթացին անդրադարձավ ԱԺ «Հայաստան» խմբակցության պատգամավոր, ԱԺ տնտեսական հարցերի հանձնաժողովի արդեն նախկին նախագահ Վահե Հակոբյանը։
«Բոլորս գիտենք․ թե ինչ է կատարվում այսօր Բերձորում ու Լաչինի միջանցքում ու նրանց մոտեցումը այդ պրոցեսներին դրա ևս մեկ ապացույցն է։ Դրա համեմատ իրենց այսօրվա որոշումը ի՞նչ է, որ։ Անկեղծ լինենք․ ի՞նչ է որ այդ որոշումը մեզ համար՝ այն ժողովրդի համար, որն այսօր հավաքվում է այս հրապարակում, ով չի եկել այսօր հրապարակ, բայց մտահոգ է՝ ոնց են մեր հայրենիքը մաս-մաս տալիս»,- նշեց Հակոբյանը:
Ընդդիմադիր պատգամավորի դիտարկմամբ՝ հերթական հարվածն է հասցվում պառլամենտարիզմի ինստիտուտին. «Սա ցավալի է նրանով, որ հերթական հարվածն էր մեր պետականությանը, պառլամենտարիզմի ինստիտուտին, ավանդույթներին ու մշակույթին, իսկ պաշտոնների մասին մենք ու իմ գործընկերները մտածելու ոչինչ չունենք»:
Մանրամասները՝ տեսանյութում:
