20.11.2024 | 14:35
Շոու է, որով ապահովում է իր նվազող ռեյտինգը․ Նինա Կարապետյանցը՝ պաշտոնանկությունների մասին․ ՏԵՍԱՆՅՈՒԹ
Իշխան Սաղաթելյանն անկարգություններ էր հրահրում Երևանի փողոցներում, բռնության կոչեր անում․ ԱԺ-ի համբավն ընկնում էր. Արսեն Թորոսյան․ ՏԵՍԱՆՅՈՒԹ
Քաղաքականություն
01.07.2022 | 21:17
Այսօր Հայաստանի կառավարող ուժը՝ «Քաղաքացիական պայմանագիրը», դաշնակցական Իշխան Սաղաթելյանին հետ կանչեց ԱԺ նախագահի տեղակալի պաշտոնից, և դադարեցրեց Վահե Հակոբյանի լիազորությունները Տնտեսական հարցերի մշտական հանձնաժողովի նախագահի պաշտոնում։ Իբրև հիմնավորում բերվեց այն, որ Սաղաթելյանը 2021-ի օգոստոսից առ այսօր գումարված 25 նիստից միայն 7-ին է ներկա եղել, 342 քվեարկություններից 198-ից բացակայել է։ Ինքը՝ իշխան Սաղաթելյանը, սա քաղաքական հետապնդում է որակել։
Factor TV-ի հարցազրույցում ԱԺ «Քաղաքացիական պայմանագիր» խմբակցության պատգամավոր Արսեն Թորոսյանին հարց ուղղեցինք՝ արդյո՞ք պաշտոնից կզրկվեր իշխանական որևէ պատգամավոր, եթե կրկին բացակայությունների այսպիսի տվյալներ ունենար։
«Եկեք նաև անդրադարձ կատարենք Իշխան Սաղաթելյանի մասով մյուս հիմնավորմանը․ փաստացի ԱԺ գործող փոխնախագահն անկարգություններ է հրահրում Երևանի փողոցներում, բռնության կոչեր անում, այդ թվում՝ ոստիկանների նկատմամբ, որոնք հասարակական կարգն են պահպանում, նաև դա էր հիմնավորումներից մեկը»,- ասաց Թորոսյանը։
Իսկ ԱԺ Տնտեսական հարցերի մշտական հանձնաժողովի նախագահի պաշտոնից Վահե Հակոբյանին հեռացնելու մասով նա հիշատակեց «հանձնաժողովի աշխատանքների կազմակերպման պարալիզացումը»։ Կառավարող ուժի պատգամավորն ասում է, որ չեն հավակնում ընդդիմությանը հասանելիք պաշտոններին, և պատրաստ են քննարկել հավանական նոր առաջադրումներ ընդդիմության կողմից։
«Մենք բաց ենք կառուցողական աշխատանքի համար, բայց, ցավոք, մենք ստացել ենք միշտ հակառակը։ Եղել ենք հնարավորինս հանդուրժող, իհարկե՝ երբեմն մեր նյարդերն էլ են տեղի տվել։ Եվ ամեն անգամ մեր կոչերը, խնդրանքները, առաջարկները՝ գալ և սեղանի շուրջ խորհրդարանական աշխատանք կատարել, չեն ստացել դրական պատասխան»,- ասաց Արսեն Թորոսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
