16.10.2026 | 18:46
«Ռոսատոմ»-ը Հայաստանից դրական ազդակներ է ստանում՝ նոր էներգաբլոկ կառուցելու իր առաջարկի հետ կապված
Իշխան Սաղաթելյանը` իր պաշտոնանկության մասին․ ՏԵՍԱՆՅՈւԹ
Քաղաքականություն
01.07.2022 | 20:11
«Ես խղճում եմ իշխանական պատգամավորներին, որովհետև եթե մտածում են, որ իրենց այդ քայլերով կարող են որևէ կերպ նույնիսկ մի պահ ազդել, սխալվում են»,- Ֆրանսիայի հրապարակում «Դիմադրություն» շարժման հանրահավաքի ժամանակ այս մասին ասաց ԱԺ «Հայաստան» խմբակցության պատգամավոր Իշխան Սաղաթելյանը՝ անդրադառնալով հարցին, թե ինչպես է ազդել պաշտոնակությունն իր տրամադրության վրա և ինչ ազդեցություն կունենա ընդդիմության պայքարի ընթացքի վրա:
Անդրադառնալով դիտարկմանը, որ այսօր ընդդիմադիր պատգամավորները միասնական հրաժարվեցին վարչական պաշտոններից և ԱԺ հանձնաժողովների նախագահությունից ու փոխնախագահի պաշտոններից, բացի Թագուհի Թովմասյանից, Սաղաթելյանը նշեց, որ ընդդիմությունը բյուրեղանում է և հավելեց, որ Արթուր Վանեցյանին նկատի չունի:
Անդրադառնալով դիտարկմանը, որ «Հայաստան» խմբակցությունը կարող է Թագուհի Թովմասյանին հետ կանչել Մարդու իրավունքների և հանրային հարցերի մշտական հանձնաժողովի նախագահի պաշտոնից, Սաղաթելյանը նշեց, որ խմբակցությունում չի քննարկվել այդ հարցը, թեև «Հայաստան» դաշինքն է առաջադրել Թովմասյանի թեկնածությունը:
Մանրամասները՝ տեսանյութում:
