06.11.2026 | 11:25
Փաշինյանը պատասխանում է «Համաշխարհային հայկական գագաթնաժողով 2026»-ի մասնակիցների հարցերին․ ՈւՂԻՂ
Վոլոդինը պատրաստվում է այցելել Բաքու
Քաղաքականություն
01.07.2022 | 20:53
ՌԴ Պետդումայի նախագահ Վյաչեսլավ Վոլոդինն այսօր հեռախոսազրույց է ունեցել Ադրբեջանի Միլլի Մեջլիսի նախագահ Սահիբա Գաֆարովայի հետ, գրում են ադրբեջանական լրատվամիջոցները։
Նշվում է, որ զրույցի ընթացքում քննարկվել են ՌԴ Պետական Դումայի և Ադրբեջանի խորհրդարանի փոխգործակցության, խորհրդարանական հարթությունում երկու երկրների հարաբերությունների զարգացման հարցեր։
Վոլոդինը հաստատել է, որ սեպտեմբերին պաշտոնական այցով մեկնելու է Ադրբեջան։
Հավելենք, որ օրերս Աշխաբադում տեղի էր ունեցել ՌԴ-ի և Ադրբեջանի նախագահներ Վլադիմիր Պուտինի ու Իլհամ Ալիևի հանդիպումը, որի ընթացքում Պուտինը հայտնել էր Ռուսաստանի վարչապետի ու Դումայի նախագահի՝ Բաքու այցերի նախապատրաստման մասին։
Էմմա Չոբանյան
