17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
ՌԴ ԱԳ փոխնախարարը Բաքվում Բայրամովի հետ քննարկել է տարածաշրջանային անվտանգության հարցեր
Քաղաքականություն
30.06.2022 | 21:04
Ռուսաստանի ԱԳ փոխնախարար Ալեքսանդր Գրուշկոն Բաքվում միջգերատեսչական խորհրդակցություններ է անցկացրել տարածաշրջանային և եվրոպական անվտանգության հարցերի շուրջ։ Հունիսի 30-ին նրան ընդունել է Ադրբեջանի արտաքին գործերի նախարար Ջեյհուն Բայրամովը, հայտնում է ՌԴ ԱԳՆ-ն։
Նշվում է, որ տեղի է ունեցել մտքերի համապարփակ փոխանակում Եվրոպայում տիրող իրավիճակի, Եվրամիության և ՆԱՏՕ-ի հետ երկու երկրների հարաբերությունների, ԵԱՀԿ-ում և ԵԽ-ում տիրող իրավիճակի շուրջ։ Կողմերը քննարկել նաև միջազգային և տարածաշրջանային օրակարգի հարցերի լայն շրջանակ։
«Քննարկվել է Ռուսաստանի, Ադրբեջանի և Հայաստանի ղեկավարների միջև 2020թ․ նոյեմբերի 9-ի, 2021թ․ հունվարի 11-ի և նոյեմբերի 26-ի պայմանավորվածությունների կատարումը՝ կապված տարածաշրջանում խաղաղ կյանքի պահպանման և կայունության ամրապնդման, տրանսպորտային հաղորդակցությունների ապաշրջափակման և տնտեսական կապերի հաստատման հետ»,- ասվում է հայտարարության մեջ։
Էմմա Չոբանյան
