05.11.2026 | 15:51
Եթե ակնկալում եք` ես ստանձնեմ հանձնառություն, որ վթար չի լինի, իրատեսական չի. Փաշինյան․ ՏԵՍԱՆՅՈՒԹ
Ալիևը հայտարարել է, որ Հայաստանն ու մի շարք երկրներ ցանկանում են վերականգնել Մինսկի խումբը, բայց «դա հնարավոր չէ, քանի որ այն մեռած է»
Քաղաքականություն
30.06.2022 | 12:58
Բաքվին շարունակում են հանգիստ չտալ ԵԱՀԿ Մինսկի խմբի ակտիվացման ջանքերը։ Մասնավորապես, Ադրբեջանի նախագահ Իլհամ Ալիևն այսօր կրկին հայտարարել է, որ Հայաստանի և մի շարք երկրների՝ ԵԱՀԿ Մինսկի խումբը վերականգնելու փորձերը, իբր, «կործանարար են Հարավային Կովկասում խաղաղության գործընթացի համար», գրում են տեղական լրատվամիջոցները։
«Մենք երկար սպասում էինք, որ միջազգային հանրությունը կօգնի վերացնել անարդարությունը և վերջ դնել «ադրբեջանական հողերի օկուպացիային»։ Այդ նպատակով ԵԱՀԿ-ն 1992 թվականին ստեղծեց Մինսկի խումբը։ Այն կոչված էր այդ հակամարտությանը լուծում գտնել, սակայն դրա փոխարեն Մինսկի խումբը վերածվել էր գործիքի նրանց ձեռքում, որոնք ցանկանում էին, որ այդ «օկուպացիան» անվերջ շարունակվի։ Ադրբեջանը ռազմաքաղաքական ճանապարհով «վերականգնել է իր տարածքային ամբողջականությունը»։ Մինսկի խմբի անհրաժեշտության կարիքը չկա, մենք նրան հրաժեշտ ենք տվել։ Սակայն Հայաստանն ու մի շարք երկրներ ցանկանում են այն վերականգնել, բայց դա հնարավոր չէ, այն մեռած է»,- հայտարարել է Ալիևը՝ փաստորեն, ևս մեկ անգամ խոստովանելով, որ Ադրբեջանը խախտել է միջազգային իրավունքն ու պատերազմ սկսել։
Ադրբեջանի նախագահը նաև նշել է, որ «ԵԱՀԿ Մինսկի խմբի հետ կապված ցանկացած հետագա շահարկում ոչ միայն հակաարդյունավետ է, այլև կործանարար տարածաշրջանում հնարավոր խաղաղության համար»։
Էմմա Չոբանյան
