28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Տեղն եկած ժամանակ երկաթյա բրեկետներով բուժում պետք է նշանակեք․Վահագն Ալեքսանյանը՝ Աննա Վարդապետյանին․ ՏԵՍԱՆՅՈՒԹ
Քաղաքականություն
29.06.2022 | 15:25
Ազգային ժողովը շարունակում է քննարկվել ՀՀ գլխավոր դատախազի ընտրության հարցը։ «Քաղաքացիական պայմանագիր» խմբակցությունը գլխավոր դատախազի պաշտոնում ներկայացրել է Աննա Վարդապետյանի թեկնածությունը:
«Երբ ստանձնեք գլխավոր դատախազի պաշտոնը, պարտավոր եք լինել համառ, բայց ոչ թե պարզապես համառ, այլ աշխարհում երբևէ ապրած ամենահամառ մարդը՝ չարի դեմ պայքարում,- դիմելով թեկնածունին՝ նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը:- Այդ չարը միշտ արթուն է, և նրա ժանիքները միշտ սուր են: Այդ Դուք եք, որ պիտի խարտեք ու տափակեցնեք այդ ժանիքները:
Երբեք չմոռանաք, որ դուք պետք է լինեք կեղեքվածի ու ճնշվածի պաշտպանը և կեղեքողի ու ճնշողի սարսափը:
ՀՀ քաղաքացին երկար է տառապել, երկար է զրկված եղել իր նունիսկ հիմնարար իրավունքներից… Քաղաքացուն թալանել են, իր զինվոր որդիների համար վճարած հարկերով դղյակներ են կառուցել… Կարմիր գրքում գրանցված կենդանիների որսի ուղեգրեր ու կազինոներում խաղադրույքի «ֆիշկա» են գնել՝ լավագույն դեպքում: Իսկ վատագույն դեպքում գնդակահարել են քաղաքացուն, ծեծելով սպանել են ինչ-որ սրճարանի զուգարանում: Սա է այն չարը, որի դեմ պայքարի ենք ուղարկում: Սրա ժանիքներն է, որ պիտի խարտեք կամ տեղն եկած ժամանակ երկաթյա բրեկետով բուժում նշանակեք: Ու այս ճանապարհին չընկճվեք»:
Մանրամասները՝ տեսանյութում:
