09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Մոսկվան բացասաբար է վերաբերվում ՆԱՏՕ-ին Ֆինլանդիայի և Շվեդիայի անդամակցությանը․ ՌԴ ԱԳՆ
Քաղաքականություն
29.06.2022 | 15:30
Մոսկվան բացասաբար է վերաբերվում ՆԱՏՕ-ին Ֆինլանդիայի և Շվեդիայի անդամակցությանը, քանի որ դաշինքի ընդլայնումն ապակայունացնելու է միջազգային իրավիճակը։ Այս մասին հայտարարել է ՌԴ ԱԳ փոխնախարար Սերգեյ Ռյաբկովը, գրում է Lenta-ն։
Նա նշել է, որ ռուսական կողմը դատապարտում է ՆԱՏՕ-ի անպատասխանատու քաղաքականությունը, որը ոչնչացնում է եվրոպական անվտանգության ճարտարապետությունը։
«Դա որևէ կերպ անվտանգություն չի ավելացնում՝ ո՛չ նրանց համար, որոնք անդամակցում են ՆԱՏՕ-ին և ընդլայնում այն, ո՛չ էլ մնացյալ երկրներին, որոնց դաշինքը որպես սպառնալիք է ընկալում»,- ասել է Ռյաբկովը։
Նա նշել է, որ Մադրիդում ՆԱՏՕ-ի գագաթնաժողովի որոշումներն ամրապնդում են դաշինքի կուրսը Մոսկվայի ագրեսիվ զսպման ուղղությամբ։
«Դա որևէ կերպ մեր քաղաքականության վրա չի ազդում։ Մենք, ամեն դեպքում, հարյուր տոկոսով ապահովելու ենք մեր անվտանգությունը»,- ասել է ՌԴ ԱԳ փոխնախարարը։
Հավելենք, որ նախօրեին Թուրքիան, Շվեդիան ու Ֆինլանդիան կարողացել են համաձայնություն ձեռք բերել, որի արդյունքում Անկարան վերացրել է իր առարկությունները Սկանդինավյան երկու երկրների՝ ՆԱՏՕ-ին անդամակցելու հարցում։
Էմմա Չոբանյան
