19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Հանրային հնչեղություն ունեցող գործերն ուսումնասիրելո՞ւ եք. Վիլեն Գաբրիելյանը` դատախազի թեկնածուին․ ՏԵՍԱՆՅՈՒԹ
Քաղաքականություն
29.06.2022 | 14:11
Խորհրդարանում շարունակում է քննարկվել ՀՀ գլխավոր դատախազի ընտրության հարցը։
«Քաղաքացիական պայմանագիր» խմբակցության պատգամավոր Վիլեն Գաբրիելյանը, դիմելով գլխավոր դատախազի թեկնածու Աննա Վարդապետյանին, հետաքրքրվեց՝ որպես գլխավոր դատախազ՝ նրա համար հանրային հնչեղություն ունեցող քրեական գործերի հիմքերը արժանանալո՞ւ են ուսումնասիրման, անհրաժեշտության դեպքում՝ նաև վերանայման։
Աննա Վարդապետյանն արձագանքեց՝ նշելով, որ իր կարծիքով՝ հանրային հնչեղություն ունեցող գործեր չկան, կան գործեր, որոնք ունեն հանրային հետաքրքրություն։
«Կարծում եմ՝ հանրային հետաքրքրություն ունեցող գործերի պակաս չունենք։ Գլխավոր դատախազը չունի վարույթներ, գլխավոր դատախազի գործառույթն առավելապես կազմակեպական է, բայց նաև, իմ մասնագիտական հետաքրքրությունները հաշվի առնելով, այո՛, նախաձեռնելու եմ իրավական քննարկումներ, պահանջելու եմ ու խնդրելու եմ:
Եթե փաստագրվեն օրինականության խախտումներ, դրանք անհետևանք չեն մնալու, որովհետև թիրախային հետևողական մոտեցումը օրինականության խախտման նկատմամբ ճիշտ ազդակ է համակարգին, թե ինչ է ակնկալվում համակարգից»,- նշեց Վարդապետյանը։
Գլխավոր դատախազի թեկնածուի խոսքով՝ եղել են իրավիճակներ, երբ օրինականությունը ստուգելու արդյունքում դատախազությունը որոշակի խնդիրներ է արձանագրել հսկող դատախազի աշխատանքում և դա ճիշտ ազդակ է:
«Եթե օրինականությունը խախտվի, օրինականության խախտման վրա աչք չի փակվելու»,- վստահեցրեց Վարդապետյանը:
Մանրամասները՝ տեսանյութում:
