09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԵՏՄ-ն հոկտեմբերի 1-ից ավտոմատ կերպով չի երկարաձգի ապրանքների ներմուծման զրոյական մաքսատուրքերը
Քաղաքականություն
29.06.2022 | 16:04
Եվրասիական տնտեսական միությսն (ԵՏՄ) մի շարք ապրանքների ներմուծման համար մաքսատուրքերի դրույքաչափերի ժամանակավոր զրոյացումը, որն այս տարվա մարտ-ապրիլ ամիսներին ընդունվել է «փաթեթներով» և ուժի մեջ է մինչև սեպտեմբերի 30-ը, զանգվածաբար չի երկարաձգվի։ Այս մասին ասել է ՌԴ տնտեսական զարգացման նախարար Մաքսիմ Ռեշետնիկովը, փոխանցում է Ինտերֆաքսը։
«Հասկանալի է, որ մենք դա (տուրքի զրոյականացում) արել ենք այլ ուղղվածության պայմաններում, և հիմա ձեռնարկությունները հարց են տալիս՝ ի՞նչ կլինի հետո։ Մենք բոլոր ձեռնարկություններին ասում ենք, որ ավտոմատ երկարաձգում չի լինելու։ Այս համակարգը կավարտվի սեպտեմբերի 30-ին»,- ասել է նա։
Միաժամանակ, հնարավոր է կետային երկարաձգում, հավելել է նախարարը։
«Այնտեղ, որտեղ տեսնենք, որ մենք համակարգված կերպով պետք է զրոյացնենք մաքսատուրքերը որոշ տեսակի ապրանքների համար, նոր բանակցություններ կանցկացնենք բիզնեսի, ոլորտային նախարարությունների հետ, այնուհետև կհասնենք հանձնաժողովի համակարգային առաջարկներին», – ասել է Ռեշետնիկովը:
Նա հիշեցրել է, որ ԵՏՄ շրջանակում մոտ 1,3 հազար տեսակի ապրանքների ներմուծման մաքսատուրքերը ժամանակավորապես զրոյացվել են։ Այս քայլերի արդյունքում բիզնեսի խնայողությունները նախարարությունը գնահատում է 23 միլիարդ ռուբլի:
Տաթև Ֆռանգյան
