28.07.2026 | 09:45
Վթարային ջրանջատում Լոռու մարզում
Ջո Բայդենը հայտարարել է, որ ԱՄՆ-ը Եվրոպայում փոխում է ուժերի դիրքավորումը՝ ուժեղացնելով ռազմական ներկայությունը ցամաքում, օդում և ծովում
Քաղաքականություն
29.06.2022 | 14:46
ԱՄՆ-ը փոխում է իր ուժերի դիրքավորումը Եվրոպայում՝ հիմնվելով Ռուսաստանի կողմից Ուկրաինա ներխուժելու հետևանքով և այլ ուղղություններով եկող սպառնալիքների վրա։ Այս մասին Մադրիդում ՆԱՏՕ-ի գագաթնաժողովի ժամանակ հայտարարել է ԱՄՆ նախագահ Ջո Բայդենը, գրում է Reuters-ը։
Նա հաստատել է, որ ԱՄՆ-ն Իսպանիայում կործանիչների թիվը 4-ից կհասցնի 6-ի, և նշել, որ Վաշինգտոնը երկու լրացուցիչ F-35 էսկադրիլիա կուղարկի Բրիտանիա և կհիմնի 5-րդ բանակի շտաբը Լեհաստանում: Ըստ ԱՄՆ նախագահի՝ ՆԱՏՕ-ն «ուժեղանալու է բոլոր ուղղություններով՝ ցամաքային, ծովային, օդային»։
«Մենք մեր դաշնակիցներ հետ հոգ կտանենք, որ ՆԱՏՕ-ն պատրաստ լինի դիմակայել բոլոր ուղղություններից եկող սպառնալիքներին։ Այն պահին, երբ Պուտինը խաթարեց խաղաղությունը Եվրոպայում և հարձակվեց իրավակարգի սկզբունքների վրա՝ Միացյալ Նահանգների և մեր դաշնակիցների վրա, մենք պատրաստվում ենք քայլեր ձեռնարկել»,- ասել է Բայդենը։
Անդրադառնալով նախկինում չեզոք Ֆինլանդիայի և Շվեդիայի՝ ՆԱՏՕ-ին միանալու վերաբերյալ դիմումներն ընդունելու հարցում դաշինքի միասնությանը՝ Բայդենն ասել է, որ Պուտինի ռազմավարությունն Ուկրաինա ներխուժելու հարցում հակառակ արդյունքն է տվել:
«Դա հենց այն էր, ինչ նա չէր ուզում, այլ հենց այն, ինչ պետք է արվի՝ Եվրոպայի անվտանգությունը երաշխավորելու համար»,-ասել է ԱՄՆ նախագահը։
Էմմա Չոբանյան
